一家很有口碑的高級粵菜，今晚剛好約了幾位好友飯聚就一於嚟試吓啦！我們點了餐廳的$598的set dinner 菜式相當吸引，主菜我地選了這裡的招牌雞油花雕蒸花蟹配陳村粉，每位要加多$78。好啦講翻菜式，前菜有香炸羊菌菇，酥脆可口，龍井菊花煙燻乳鴿同埋九層塔辣椒膏炒蜆，好喜歡炒蜆的辣椒汁，香濃惹味但係又沒有蓋過蜆的鮮甜。主菜有慢煮香葱焗雞，蟹同埋話梅肉桂糖醋排骨，作為招牌菜的花雕雞油蒸花蟹真係好好味，超大隻的花蟹肉質紮實鮮甜，加上雞油同埋花雕酒，真係清甜中有點油潤酒香，相當誘人，而不比蟹肉遜色的就係看似配角的陳村粉，其實可能先係主角，吸收了湯汁的精華後不一會就給清得一乾二淨!整體水準相當高的一頓晚餐，服務也到位，所以一定會回來試吓餐廳的其他的名菜，好似大班十八味雞，香煎百花雞，蟹肉糯米飯，充滿期待!
