湯底揀左黑松露龍蝦湯，滾左之後，有好香嘅黑松露味發出嚟，但食落就唔覺嘅。龍蝦湯會浸入火鍋料度，配蔬菜裏比較好，我自己就冇咁鍾意牛肉味被湯底影響咗，不過屋企人鍾意龍蝦味，就覺得幾特別，唔錯。
.
除咗可以點牛肉，豚肉呢D之外，出邊亦都設有自助區係可以比你自己拎配料既，比較推介芝心丸，年糕同腸仔(腸仔就純粹係我鍾意食哈哈)
.
醬要主要係柚子醋，芝麻醬同豉油。
.
飲品選擇有好多，除咗平時嘅汽水，亦都有韓式飲品，果汁啤酒同紙包果茶。
.
美國極上牛肉
.
呢一碟係美國極上牛肉，強烈推介薄身而且牛味比較重，入口都易溶
.
美國肥牛
美國肥牛就肥膏比較多，無極上牛肉咁軟身，但色澤都唔錯。
.
放題點左好多野，唔一一放上黎啦，除咗必食嘅刺身之外，芝麻雞翼，枝豆，蟹子沙律，芝士年糕我覺得都係唔錯嘅選擇。
最後嘅重點黎啦！呢度嘅甜品真係好高質！
.
綠茶芭菲
呢個綠茶芭菲，細細杯已經滿足我好多願望，雪糕幼滑綠茶味適中，仲有紅豆啫喱忌廉同丸子
.
疏乎厘蛋多士
另外，疏乎厘多士亦係外脆內軟，而且出邊好少見到有。仲有好多款唔同嘅甜品，記住一定要留肚食啊！
