相信鴨脷洲居民一定非常熟悉妹記，因為創辦人妹叔已經於鴨脷洲賣鴨有60多年！店名背後仲有感人故事，歡迎大家自己有興趣的話google睇下😂
呢度除左滷水之外都有一般茶餐廳菜式，例如碟頭飯、炒粉麵飯等等。店內環境十分街坊、地道，座位不算多不算少。每張檯上都有豉油樽裝的自家製蒜蓉醋，帶蒜香又酸酸的味道，供各位食客蘸鹵水鴨吃的。
當日我地點了一份大的滷水鴨陪一碗米粉，還有一碟滷水雜，裡面有豬耳和鴨腎等。我覺得鴨肉肉質十分軟滑，而且滷水汁真的很濃香，但又不會太油！鴨腎亦算爽口。開業多年仍然保持到水準，十分難得！
