🔎將軍澳唐德街1號將軍澳廣場1樓133-135號舖
*
「台式風味小店」- 桂花小幸
.
雖然暫時未有得飛台灣，但又好想食台灣料理，於是近近地搵間係屋企附近既去試下，估唔到有意外收穫。首先由店鋪裝橫已經俾人一種好有台灣小店個種親切咁，以木為主題既餐桌餐椅簡單得黎又坐得舒服。唯一唔滿意既係店面冷氣頗大，我坐個張枱頭頂對正冷氣，吹到頭痛。落單可以用枱面上既QR code用手機點餐，都幾方便，又或者坐低之後行出收銀點餐。
滷水豬手 ($58)
豬手炆得幾淋，而且幾入味，唔會過咸。份量亦幾多。呢間餐廳既豬手表皮既毛去得好乾淨，唔會令人望落反感。好似我咁著重小節位既朋友可以放心order
三盛牛肉米線—紅燒湯 ($68)
一上菜第一個感覺係…好大碗！入面有5-6舊厚切牛展，兩粒彈牙牛丸，幾舊紅白蘿蔔。牛展唔會un又唔會痴牙，最好搵人同你share呢碗麵，咁就可以試多幾個小食喇!
鹽酥雞排滷肉飯 ($58)
呢個有少少失望，首先珍珠白飯好濕，會痴埋一pat pat，口感普通。其次係飯面既滷肉冇乜味，食落只係普通肉碎，冇台式滷肉既感覺。最後主角 — 鹽酥雞排唔脆身，上菜時亦都唔夠熱。不過勝在唔油膩，食完唔會滯住滯住。
381煎餃子四隻 ($28)
呢個係最最最有驚喜既小食！餃子外皮煎到好脆，但又唔會過黑。第一啖咬落去有好多肉汁賤出，入面好juicy而餃子肉好嫩滑。一向都覺得煎餃子雖然睇落簡單，但真係好考功夫。一唔留神就會煎燶左表皮而入面仲未熟。所以同我一樣鐘意食餃子既朋友真係唔可以錯過！
峰蜜綠茶 ($6)
跟飯只須要加幾蚊就有大大杯峰蜜綠茶真係好抵！味道仲唔會太甜，好岩食完熱氣野飲返杯茶嘆下！
🍽8/10
#traveltobkk
