要抓緊潮流觸覺，就必定要走入韓國時代，
體驗下佢地最新玩味極濃既韓式Café啦！
呢到以簡潔既雲朵彩繪做裝飾，有種清新雅緻既
感覺，但原來佢最殺食既係出面有個Outdoor位
係打卡好chill咖！就算出面30幾度都無礙
我衝出去影相既念頭呀！👇
-
📌窩蛋肉鬆拌飯 - $52
👉大大隻雞蛋係正中間特別搶眼，
第一時間緊係要餵飽相機先啦，
呢個拌飯足料又豐富，南瓜粒、肉碎、
蘿蔔絲，中間配埋紫菜，加埋醬汁撈埋
一齊食，幾有風味，唔錯！
-
📌鐵板咖哩雞公仔麵- $68
👉用鐵板熱辣辣呈上，咖哩同炸雞鋪滿哂
成個鐵板，果然韓式公仔麵同我自己整既係有
少少唔同，佢地會整得特別彈牙爽口，
完全唔會太腍既感覺，雖然看似簡單既菜式，
但都要講究功夫！
-
📌紫薯焦糖燉蛋 – (+$25)
👉甜品只要係Lunch Set加$25就有，
甜品有兩款當然要試勻佢啦，
燉蛋好滑溜，食到濃郁蛋味，
底層全部都係紫薯蓉呀！紫薯控請注意呀！
甜度岩岩好，唔會搶左蛋味，食得過！
-
📌韓國米酒意式芝士蛋糕 – (+$25)
👉以韓國米酒代替冧酒，究竟有咩唔同呢？
就係酒香會略嫌比一般既更加清新，
可可粉仲有種淡香既味道，必食之選呀！
-
▪ 綠茶紅豆拿鐵 - $46
▪ 荔枝柚子雞尾酒 - $72
▫ 我會比較偏向荔枝柚子Cocktails，
比較有特色，而且酒味唔重，荔枝味反而
比較濃郁！整體埋單都係每人$100左右，抵食！
