Goobne Chicken, Tsim Sha Tsui

#cassiegotst - Goobne Chicken係香港數一數二嘅人氣烤雞店，香港有三間分店，尖沙咀、旺角同銅鑼灣。三間都去過，環境都好舒服。今次就同朋友去咗尖沙咀分店，大約7:30pm左右去到，居然全部無骨烤雞已經賣哂，唯有第一次試吓佢哋嘅有骨烤雞。 🐔 - Goobne Chicken嘅服務好好，因為每個枱面上都有一個按鈴，可以按下叫服務員，服務員好快就到，唔洗等好耐 。餐牌選擇好豐富，有鐵板雞、烤雞、年糕、部隊鍋、魚糕湯、沙律、雞蛋卷、豬肋骨等等，岩哂想食韓國野嘅你。餐廳提供手套、濕紙巾等客人可以食得方便點。👍🏿 - 今次叫咗個half&half，韓式BBQ醬烤雞同蜜糖香滑烤雞。烤雞雞皮烤至香脆，薄薄一層，完全唔會有油膩感。 雞肉好嫩滑。蜜糖香滑烤雞雞皮有好香甜蜜糖味道，好好味。 BBQ醬味道都好惹味，附上兩小碟醬汁同韓式酸蘿蔔。另外小食叫咗份泡菜煎餅，泡菜好好食，酥脆可口！🇰🇷 - 味道評分▶️🌕🌕🌕🌕🌗 (4.5) 抵食評分▶️🌕🌕🌕🌕🌑 (4) 回購評分▶️🌕🌕🌕🌕🌗 (4.5) - ➡️ Goobne Chicken (The Hart) (尖沙咀) 📍 尖沙咀赫德道4號The Hart 2樓 - IG: @cassiecwy/ @cassiegetfat FB: @cassiegotravel OP: cuisine_revolution (Lv4) DianPing: cassiegetfat (Lv6) TripAdvisor: cwycassie

去開尖沙咀又肚餓，韓國烤雞係我地既至愛，黎到Goobne Chicken，有好多款唔同味既烤雞選擇。我地2個人今次就一次過食2款烤雞，再叫左個飯share食。 甜辣烤雞+果味醬油蒜香烤雞 2款雞雙拼加埋勁大碟呀，份量都幾多一共有十幾件。2款雞都有雞脾，雞翼同雞胸既位置。 果味醬油蒜香烤雞係有d帶蘋果甜味既醬汁，有蒜香，可以自己加埋檸檬汁，味道酸酸甜甜更加清新。 甜辣烤雞用左韓式既甜辣醬焗，menu有一粒辣椒，不過食落我同朋友都覺得完全唔辣😂，主要都係甜味為主。 雞件焗得勁香又好入味，冇油炸過感覺健康d。 鐵板芝士煙肉蝦仁炒飯 鐵板係上台都仲好熱辣辣。除左煙肉，蝦仁，仲有蟹籽，個韓式炒飯有少少辣，撈埋旁邊熱溶到拉絲既瑪蘇里拉芝士真心好惹味。 。 。 Goobne Chicken (The Hart) 尖沙咀赫德道4號The Hart 2樓

#cassiegotst - 瘦編係哈韓迷，身邊好多朋友都知道！無得去韓國嘅依段時間，當然要食多啲韓國菜過下口癮啦！今次我又黎食Goobne Chicken，第一次去尖沙咀分店。我發現佢地好識揀鋪位，上次銅鑼灣就有個好靚嘅海景，今次尖沙咀都好正，有露台位，都幾好坐。👍🏿 - 今次瘦編試左佢地嘅皇牌UFO Fondue Chicken - 三重芝士火鍋 X 韓式烤雞！三重芝士火鍋用上水牛芝士（Mozzarella Cheese）、車打芝士（Cheddar Cheese），再灑滿巴馬臣芝士（Grana Padano）芝士粉，做出超澎湃濃稠嘅芝士拉絲，芝士控唔好錯過呀。另外芝士火鍋配埋加入香脆烤雞，好吸引！香脆烤雞共有16隻雞槌，瘦編一開頭以為會有唔同嘅雞件，上菜先知原來全部都係雞槌咁正，客人可以自選兩款口味韓式烤雞，包括三重芝士烤雞、韓式BBQ醬煙燻烤雞、果味醬油蒜香烤雞、蜜糖烤雞、火辣火山烤雞、甜辣烤雞等等。瘦編揀左果味醬油蒜香烤雞同蜜糖烤雞，兩隻都少少甜，好開胃。依個UFO套餐真係好正，可以有兩種食法，剩係食烤雞又得，配埋芝士食又得！🧀 - 另外仲叫左個砂鍋魚蛋魚片湯，好豐富！除咗普通魚片，仲有其他種類嘅魚糕，好正。飲品方面，第一次試香桃韓式米酒，開頭有啲驚個味會有啲怪，點知好好味，好有驚喜，我應該以後都會叫依隻飲品。🍑😆 - 味道評分▶️🌕🌕🌕🌕🌗 (4.5) 抵食評分▶️🌕🌕🌕🌕🌗 (4.5) 回購評分▶️🌕🌕🌕🌕🌗 (4.5) - ➡️ Goobne Chicken (The Hart) (尖沙咀) 📍 尖沙咀赫德道4號The Hart 2樓 - IG: @cassiecwy/ @cassiegetfat FB: @cassiegotravel OP: cuisine_revolution