Old Fung Tea House

𦍑越老越辣，茶居越舊越有風味。 元朗呢間茶居，裝潢五，六十年代，攞放的裝飾物也有一定時間，好懷舊。 地方有點窄，坐得不太舒服。食飯物水準卻意外驚喜。 燒賣，蝦餃，蝦米腸，生竹牛肉球，鳳爪，糯米雞....全部即叫即蒸，熱辣辣，味道真的好好，用料也不敷衍。 香港少有的舊式茶居，值得回味一番。

元朗近呢幾年開咗好多茶居，所以唔一定要去酒樓，甚至可以隨時隨地都可以食到點心喇！這晚不用煮飯就和老公到呢間裝修得非常懷舊既老馮茶居吃晚飯。這間茶居既裝潢設計很有心思，感覺如返回六、七十年代既食店一樣。 點心款色唔係太多，但亦都有齊應有既點心如，蝦餃，燒賣，牛肉，叉燒包和腸粉等等。食物質素唔差得過酒樓，茶錢亦都比較平，又不用加一服務費，唔怪得之越來越多人幫襯這類小型既茶居。

老馮茶居，係元朗一間懷舊既點心店。今日一個人去幫襯食晚餐。 今晚食下點心做晚餐，叫左蝦餃，鮮竹卷，同梅菜肉餅飯。總括而言，點心的水準都保持到 (以前到幫襯過好幾次)。其實以一間小店的點心水平，都算唔錯，蝦餃都有鮮味，蝦肉爽口，蝦餃皮唔係太厚。梅菜肉餅飯味道可以，肉餅唔會太乾太硬，是一人份量；而鮮竹卷則十分普通，餡料唔夠鮮味，味道比較淡。 小店店面狹小，但係裝修懷舊有特色，餐牌都用舊式嘅粉筆去點餐，加上價格唔貴，都值得去幫襯支持一下小店。