Wong Ching Man
一入到鋪頭，韓國人店家就好熱情招呼我地。 ✨ 無骨蜂蜜檸檬炸雞（6件）$75 我地點餐時，店家極力推介，話唔係好食咁簡單，係非常之好食，好搞笑🤣🤣 果然嚟到倜賣柤巳經好吸引炸得好金黃 睇落都知個皮好脆呀😍 食落口啲炸粉好薄 食落真係好脆，而且中間雞肉仲keep到啲肉汁好juicy好滑！個蜂蜜檸檬汁又唔會太杰太漏 酸酸甜甜咁，同炸雞非常之夾呀我果然存介紹錯👍 ✨泡菜煎餅 $70 呢個泡菜煎餅賣相平平無奇，但食落好有驚喜煎餅唔會太厚太重粉感，煎到脆脆地薄身 好香口，而且啲泡菜都爽口 唔會好霉。👍👍大推薦 香港好難搵到咁好味嘅泡菜煎餅😍 ✨ 韓式牛肉鍋 （2人份） $165 最後到牛肉鍋，2人份量都好多，入面有好多唔同嘅菇類、豆腐、粉絲同菜，當然唔少得啲牛肉啦。湯底都好濃郁，蔬菜索哂啲湯好好味🤤 整體都好好食，一定會再幫襯呀🥳
