Mini Bangkok มินิบางกอก, Prince Edward Kowloon City

同朋友去九龍城食晚飯，我哋揀咗小曼谷泰國菜，因為餐廳門口有個吹氣公仔，好吸睛啊😆😆 . 鐵板豬頸肉通菜好有鑊氣🤩，上到枱時仲會渣渣聲，通菜好惹味而且好香，仲有好多豬頸肉😋 . 泰式鐵板蠔餅就有小小失望，因為蠔仔嘅份量唔算多🤧，幸好蠔餅整得唔算油膩，點埋個醬就會好食啲👍🏻 . 我幾鍾意食泰式炸蝦餅，蝦餅金黃香脆，肉質彈牙有口感，仲食到少少既蝦粒🥰 海鮮孖寶好抵食💕👍🏻👍🏻，我哋揀咗泰式燒盲鰽同燒脆皮白鱔，白鱔肉質肥美，而且都好新鮮，不過我比較喜歡將魚皮燒得乾身香脆，如果可以燒到脆卜卜我一定更加鍾意！😝😝😝 燒盲鰽唔錯呢，啖啖魚肉，而且好嫩，一啲都唔乾，火候拿捏得好，醃料足夠，所以唔點醬汁，都已經好好食😆😆 同朋友叫左椰青同椰皇，同樣清甜解渴😍 如果唔係因爲太飽，我地都想叫埋芒果糯米飯🤤🤤 .

小曼谷小曼谷提供的食物種類繁多，總有一款會啱口味。 炒金邊粉好食，甜甜地，配上花生碎係唔錯，蝦肉新鮮肉質彈牙，不錯！ 蝦既份量唔多，大約三隻左右。 豬肉碎生豬肉碎生菜包忘記影相，豬肉碎混有一些香料去炒，辣辣地，配上生菜包非常好食。 飲品方面十分出色，值得一嚐！ . #traveltobkk

基本上而家去任何一區都輕易搵到泰菜食店...但以前嘛，想食泰菜必定先諗起九龍城。 。 。 呢間食店以往食開嘅，但後來因為裝修，位置唔夠闊落，所以有好多年無幫襯喇。 。 。 上星期六，打風前去開九龍城又諗起呢間食店，發現原來佢哋開咗分店(應該相隔一至兩條街)...其中一間店舖門口有提供斜板，於是轆入食店。但店員話，因為打風關係，呢間食店好快關門。叫我地去另一間分舖，但果間店門口有級。於是問店員可唔可以借用斜板喺另外果間舖用，店員好快手就將塊ramp搬咗過去。當我入舖後，店員就將斜板歸返😳心諗：同一間舖，需要咁急還嗎？😑🤔 。 。 食完先算～order嘢先 。 。 #泰式柚子沙律 ～ 柚子新鮮多汁好好食。沙律內有蝦，彈牙嘅，而且全部去腸，食得好安心。個汁偏甜、微酸、唔辣。 #小曼谷五星燒雞 ～ 要咗半隻，燒得好靚，雖然燶燶哋，但完全無乾柴，調味好OK。再點埋d酸辣汁一齊食，既開胃又解油膩感。 #泰皇咖喱炒大蜆 ～ 好多年無食喇，加咗好多價。蜆尚算大隻又無沙，個汁依然好好食，送飯一流，最愛周邊嘅洋蔥、蔥、青椒呢一類配料。 #椰皇冰沙 ～ 無咗以前每飲一啖都有椰皇粒粒咁有咬口喇...勝咗唔甜 #青檸冰沙 ～ 有青檸香、酸味好少、太甜啦 。 。 食完喇，走人喇。塊ramp無再出現過，店員話幫手抬我落去果一級。雖則唔係好高，但…何必呢？ 。 。 其實果間又唔打算開門做生意，點解咁心急要還塊RAMP呢？黑人問號呀！ 。 。 今次唔記得影門口相，因為要追巴士。