Co Thanh

呢間野整體不錯，叫左一個咖哩湯底一個酸辣湯，啲丸類相當出色十分彈牙！(嗱我好少讚丸類野既因為如非必要我唔會嗌🙈)，肉類都新鮮，係貴左小小⋯

這間店子常常是人氣店子。未到七時，已經見到人龍排到好鬼長。正想打消排隊的念頭之際，在門外等候期間，不時傳來陣陣越菜湯底的濃郁香味，真的不能不入內試試。什麼越南粉要大排長龍呢？真叫人期待。 Bun bo hue $98 這碗湯麵賣相如路邊攤的模樣，然而材料都幾豐富，不是生牛肉，而是牛丸，魚肉春卷同香蔥等。牛丸有兩粒，大大粒，幾juicy，有牛肉味;魚肉春卷則只有一條，魚味十足，幾爽口彈牙。湯底同平曰食越南河粉的味道很不一樣。這湯底味道十分濃郁，完全不油膩，滿有濃郁牛肉湯的鮮味。細味之下，又有帶少少辛口，當中又帶點鮮甜味道，味道比一般的越南粉牛骨湯更有層次，湯底就是靈魂所在。怪不得這店子人氣咁旺盛。真的很不錯！

唔知味道算唔算正宗，不過真係幾好食😋 Banh Mi嘅法包外脆内軟🥖，完全唔會過硬過韌難咬開。 法包中間夾住豐富嘅材料，如自家製肝醬、酸瓜、蘿蔔、幾款唔同嘅切肉、芫荽、洋蔥等，食落啖啖肉而不失清新。 調味惹味帶點香辣，但食到中間有啲辣椒好辣🌶🙈 除咗越式法包，仲叫咗牛肉粉(Būn Bō Hue)同炸春卷(Cha Gio)。 牛肉粉湯頭味濃帶點香辣🌶 麵條似粗身嘅米線但偏硬身。配料滿滿的有彈牙嘅牛丸、肉質又稔又軟嘅厚切牛腩，附一層綿綿嘅油脂、牛肉片、魚肉春卷、炸香葱等，非常豐富，感覺餸料比麵條多。味道其實還不錯，但食完口渴咗好耐🙈 炸春卷一客5件，春卷皮較一般厚身，咬下非常香脆亦不會膩，中間係滿滿豬肉芋頭餡料，感覺非常實在。