YUM CHA, Tsim Sha Tsui

男4人で行きましたが、 案の定ちょっと浮きました笑 ホットカスタードバンズとレモンティー きもかわでした笑、楽しかった！ エアコンが寒いー！

【可愛造型點心 🐷】 朋友生日，約埋一大班friend去咗尖沙咀飲茶食晚飯。上到樓上，餐廳好大同光猛，而且座位寬敞，枱與枱之間都好闊落唔迫。 當中注入唔少玩味元素，令客人唔單止味覺上享受，喺視覺上都可以欣賞下佢哋嘅特色同設計，就好似碟上都有條小鯉魚，好精緻好靚。 🔹睇住流奶（3件） $49 / 吉川奶子（3件） $49 「睇住流奶」係流心奶皇包，比想像中大個同漲卜卜，而且奶皇餡夠多夠濃郁，好好味！而綠色嘅「吉川奶子」當然就係綠茶餡料，綠茶味好濃但唔算甜，但我個人喜歡「睇住流奶」多啲😂 🔹一籠八戒（3件） $49 豬仔樣嘅叉燒包好可愛，不過餡料唔多，如果多返啲叉燒會好啲，變相整體好似剩係食饅頭咁。 🔹 胭脂玫瑰（3件） $49 玫瑰造型幾靚，但餡料仲少過叉燒包，今次真係食饅頭咁食，有點失望。 🔹近墨者黑（海鮮＋蛋白） 墨魚汁海鮮炒飯，飯底炒得幾香，餡料包括有帶子，蝦同蛋白。所謂近墨者黑，食完呢碟飯牙都即刻黑埋，哈哈！ 🔹干煸四季豆（鹹蛋） $99 第一次食鹹蛋黃炒四季豆，兩樣都係我喜愛的！鹹蛋炒得好香口，配搭起上黎又幾特別喎😋！ 🔹鴿吞鳳梨（3件） $59 呢個其實係鳳梨酥，賣相好可愛，唔忍心食哈哈。酥皮都幾鬆化，不過外層唔熱，宜最後先食，可以當甜品。 📍 YUM CHA 尖沙咀加連威老道20-22號瑞生尖沙咀酒店3樓 ． ． 環境分數：8/10 食物分數：7/10 Encore分數：7/10 ． ． #2018秋