和拉麵

好友推介： #和拉麵 嘅 極上龍蝦拉麵。 一上枱已經畀隻開邊龍蝦吸引咗，火灸芝士面，肉質彈牙，已經好滿足。 呷埋個湯，真係濃到一個點！減磅中都要清咗佢，超滿足！ 麵底保持質素，抵讚！ Tip士：店家每月1號全單8折 利申：我5.1去食🙊🙊🙊

A4和牛拉麵🍜 堅和牛，唔係求其俾幾塊牛肉你 但生和牛令個湯無咁熱，呢樣差少少 整體好好味。一個女仔食就剛好，男仔最好加底或叫其他食物。 座位唔太逼，侍應有禮貌，讚👍🏻 我最鐘意呢間拉麵店有辣芽菜，好惹味夠辣🥰 和牛拉麵🍜 $138

大埔小巷入面有間拉麵，叫「和拉麵」，位置上的確有啲難搵，但入到去就好似去左另一個境界咁。和式設計，播放住日文歌，店員會用日文歡迎你，個感覺已經贏左。 所謂貴精不貴多，湯底只有三款，豚骨原味、辛辣同味噌，仲可加$8試特濃（會黏稠，重膠質），不過今次無試～麵揀左普通硬度，係正常嘅麵質。糖心蛋做到有一半熟一半唔熟，食落有兩重口感，再加埋滑滑嘅蛋白，加分！叉燒一邊烤過，又係有雙重口感，烤個邊好香口，唔錯！ 另外叫左小食—紫芋甘栗薯餅$28，意外地好味！炸粉唔會好多，食落岩岩好。重點係入面個料，好香芋頭味，仲有甘栗粒，泥狀感覺，仲可足料，好好味！沙律醬亦唔會搶左個味，勁想再叫多碟。 好少拉麵店小食都做得咁好，所以有驚喜！！