Toripon

今日相約朋友去位於銅鑼灣的toripon鳥本吃日本菜，餐廳位於商業大廈高層，用餐環境舒適。 我們先點了蔬菜拼盤，芝士豆腐，和牛刺身等冷盤。 第一次吃和牛刺身，肉質鮮嫩、油脂十分平均。有3款醬汁作不同配搭。 芝士豆腐同時帶有芝士和豆腐香，質感像雪糕一樣，非常特別。 蔬菜拼盤顏色繽紛，十分漂亮，配上滾熱的銀魚柳汁吃。 來居酒屋當然要點串燒等燒物一試師傅手勢，我們點了溏心蛋豬肉卷、年糕豬肉卷、鰻魚串燒(梅紫蘇醬和蒜味蛋黃醬)以及燒帆立貝(柚子胡椒蛋黃醬)。另外當然不少得餐廳主打的雞肉串燒。我們就嘗試了雞腿肉，和坊間少見的雞橫膈膜。 串燒燒物全部都燒得香口入味，而且仍能保持肉汁和肉質嫩滑，非常出色。醬汁的選擇多而且特別，非常適合想試不同口味的朋友。 鰻魚串燒得十分香脆，特別推薦。帶子串亦有大大粒帶子，充滿鮮味。 當然還有奸惡的名古屋風炸雞，炸得外脆內嫩。味道偏重，別有一番風味。 點品就點了餐廳自家製的蕨餅，煙韌軟糯，配黑糖醬，結束滿足的一餐。 . . 鳥本 銅鑼灣登龍街1-29號金朝陽中心2期Midtown26樓 . .

TORIPON:精彩的串燒發辦 現今流行食廚司發辦，大家都以為廚司發辦就一定係壽司刺身，而且一定係刺身。 或者有時諗法太過窄，其實呢個形式，日本好多燒鳥店都會有，驚喜仲大過好多壽司店，因為更考師父的功力。 而且基本上更老少咸宜，唔食生野嘅人都可以一綱打盡。 朋友C小姐唔係好食魚生，但都約食日本廚司發辦，就正正係選了一個俱有這樣背景的餐廳。 可能你覺得無生野，好無癮，但你知道燒鳥的水準，是可以極之高超的。 愛日本菜的我當然係去日本前為個胃準備一下，是晚來到TORIPON。 TORIPON主打日式烤雞串，每天新鮮運到的日本頂級雞肉即點即做。 首先地方已經令我十分驚喜，在Pong的隔離，飲前飲後都可以食飯，食完最好過去玩beerpong。 在那個bar枱吃着日本師傅為你準備的串燒特別興奮，係呢個位吃可以欣賞佢燒嘅手勢同技術，成件事更完整，C小姐絕對係好安排。 不過首先第一樣野要說好，就係你喺呢度可以一個比較平嘅價錢去飲十四代，平係因為可以細樽咁叫，不用1.8咁飲，係窮L如我的一大喜訊，而且不同種類嘅十四代都有提供。 但今晚就冇飲十四代，反而試左呢到house嘅sake，武藏野，酸甜有致，好適合配合串燒。 廚司發辦餐松，竹，梅三個餐各有愛好者，我地貪吃的當然吃最多野嘅松餐。 先上的前菜和沙律，沙律好大碟，新鮮又美味。 刺身兩點一白身魚一紅肉魚，說真，相對冇乜特別，只是普通了一點。 串燒時間開始。 先來的雞頸肉串，少見的位置，味道煙韌有致。 雞心串，味道勁濃，口感極強勁，本身冇諗過吃，但一食難忘。 免治雞肉串，細細件小巧玲瓏更吸引。 燒冬菇，看樣子以為好乾身，但吃落依舊有水份而充滿 燒三文魚，配上近似沙律醬的汁，好開胃。 溏心蛋豬肉卷，香氣四溢，燒得美味，溏心蛋流出蛋黃，沾上豬肉，絕對誘人。 個餐有的和牛肩肉香烤得動人，味道嫩又惹味，沾上佢秘製的醬汁，好食到震，不用一分鐘便吃完整碟。 尾聲的蒲燒鰻魚飯，當然是最重要的角色，看著師父的準備，係賞心樂事。 鰻魚過左兩round醬汁，再前後燒，色香味俱全，加上那碗飯，非常美味，當然和日本吃的有距離，但香港來說，絕對是城中最好之一。 鰻魚的濃郁味覺，甜甜地，送飯更一流。 食到好飽滿，甜品幾好都變得不再重要了。 離開先發覺有一間勁正的private room，地方舒服，而且min charge 唔高，我已經plan緊搵班飲得之人來個串燒清酒之夜，你有冇興趣？ PS呢度仲有得食shisha，選擇同樣多，仲有酒做base嘅水煙，如果你係愛好者，食完飯唔好錯過。 #2018秋