Bubble Lee

咁啱係佐敦行街，行行下想買嘢飲 沿途都有好多連鎖式嘅台式飲品店 望望下就見到暗暗一角嘅「李圓圓」 我記得之前上網見過有人話呢間係來自淡水嘅 所以就決定試下呢間 唔知係咪因爲閒日下午，間鋪無咩人 睇完個餐牌，都係決定飲黑糖珍珠鮮奶 雖然無咩客，但因為即叫即製，都係等咗幾分鐘到 其實我之前都飲過老x堂同幸x堂 李圓圓呢杯有啲驚喜，啲珍珠好chewy 同埋飲落加埋鮮奶唔太甜 拎嘢飲嘅時候，店員都有講如果想啲珍珠硬啲就攪拌多幾下。 佢另外有個黑糖鮮奶2.0，係必飲嘅item，貴呢杯3蚊，下次路過都要試下。 希望「李圓圓」繼續努力 💪🏻

💛💛支持良心飲品店～ 係好耐冇飲既#黑糖珍珠鮮奶 黑糖珍珠鮮奶分左正常同2.0版 我揀左2.0版[悠闲] $33 比正常版會多30%鮮奶🥛 所以奶味味道濃郁啲👍🏻 黑糖珍珠keep住微暖，黑糖味幾香 而且珍珠食落好q彈架💕💕 整體甜度岩岩好～～ 已經飲左幾次喇😆😆 . 📸#李圓圓 旺角旺角道30-36號寶安大廈地下E2號舖 . . . .

熱黑糖珍珠鮮奶2.0 2.0是指比普通版多30%奶,咁者係大杯啲🤔 就是熱熱地既牛奶+黑糖珍珠，佢仲好有心機同每個客講話啲珍珠現煮，開初會比較淋，慢慢就會煙韌返，但熱既就等唔到佢韌已經飲晒!