呢度既環境都幾岩遊客來，幾有特色
.
我地叫左呢個任食套餐，$258一位加一，同$12醬油費。有早鳥同宵夜優惠既，可以因應返時間睇下邊個岩你多D
.
醬汁盤俾你自己溝醬汁
.
前菜小食(任叫)係陳皮魚蛋同炸燒賣，個陳皮魚蛋好好食，但因為要留肚就冇encore
記得要訂位，因為會送招牌鲍魚麻辣雞煲
.
因為我唔想辣既關係，就走辣。店員好熱心咁幫我地等咁上下炒，雖然走辣但雞煲依然好香，好惹味。雞肉份量好多，好入味，大部分既雞肉都好滑嫩至於，鮑魚係有兩隻，幾彈口。
.
上面冇寫價錢嘅都係任叫任飲
.
我哋叫咗香茜皮蛋湯，十分清甜
.
首先來海鮮拼盤一份量，因為我面敏感，就不吃了，包括有鮑魚，花甲，蝦，沙白，聖子等。表弟話食得出新鮮
.
另外點左唔同既野食，上網有人話覺得野食種類唔多，我又無呢個感覺而且貴精不貴多，美國安格斯牛同西班牙黑毛豬更是必叫之選。丸類食落多汁，爽口，推介玉米貢丸同牛丸。講左豬先，爽口，而且甜甜地，不同平時打邊爐嗰啲普通豬肉。
.
至於牛肉，肥瘦均勻，牛味濃郁，我地都encore左三碟
.
最後，雜果涼粉紅豆冰作為甜品，很有懷舊風味，而且呢個配搭十分match，表弟更是初嘗涼粉哈哈。一掃岩岩熱氣既感覺，十分清涼
總括而言，價錢合理，有特色環境裝修，味道不錯，值得一試
