這兒有多款餐點可以選擇，除了各款浜燒，還有前菜、刺身、炸品、燒物及麵飯等等，樣樣都想試。
蟹蓋蟹肉味噌燒$78
這個味噌燒好吃！蟹蓋上滿滿都是蟹膏同蟹肉，拌以鵪春旦，真係啖啖蟹肉。蟹肉極為鮮美，有著濃香帶甜的味噌味道，口感滑溜，味道豐盈細膩，真的好吃！蟹迷必點！
海胆$98
嘩！這海胆有成板咁多！海胆顏色金黃，海膽味濃，味道甘甜，完全沒有苦澀味，正！最正的是用匙可以大口大口吃，不用被飯淡化海膽的味道。除了淨食外，又可包上紫菜、芥末同吃，和風滋味十足。
炸明太子雞翼2只$52
這雞翼炸得脹卜卜，口感脆香又唔油膩。雞翼熱呼呼的，一咬雞翼就爆汁！雞翼內滿滿是明太子，味道咸香帶一點辣，十分惹味，佐酒一流。
丸燒大帶子$48
這隻帶子是珍寶大小，口感嫩滑，富濃濃的蒜香，鮮味十足！千萬不要錯過帶子的煮汁，味道極鮮！
特大蟶子蒜味牛油燒$78
這隻特大蟶子是自己燒的。按店員指示的燒到有點乾身，便加點煮酒再燒，真是有得食又有得玩，令人更加期待。蟶子肉質爽嫩，一點也不韌，味道又鮮又有濃香的牛油味，爽中帶甜，真想多吃一隻！
平日午餐到訪，已經覺得水準唔錯。估唔到在晚上咁好氣氛，好似置身曰本居酒屋一樣，尤其那蟹肉味噌燒同蟶子，下次一定要encore!
#2018聖誕
