【喜歡蟶子的有福了✨】
難得知道要去元朗，所以特登夜晚book定位嚟食蟶子。假日嘅元朗真係好多人，每一間餐廳都排哂隊，就算book咗位都要等多一陣先入得。
🔹鐵板鹽焗蟶子 + 叁芭爆蟶肉 $198
以$198 兩款蟶子菜式嚟講算好抵食，無諗過會落足料，每隻蟶子都係脹卜卜好肥美！鹽焗蟶子好入味，而且好鮮甜。另一款叁芭爆蟶肉就夠哂鑊氣，雖然本身唔食得辣，但佢有少少辣味吊起隻個味都幾香口。蟶子菜式係值得一試👍
🔹莆田荔枝肉 $89
呢個簡單得嚟有驚喜！因為見平時咕嚕肉多數配菠蘿或者蜜桃，少見配荔枝，所以order呢個試下，點知效果不錯！每舊咕嚕肉都係無骨，而且肉質好鬆軟，甜酸汁調得好好，唔會有酸到攻鼻個種感覺，開胃到食極唔停口😋
🔹莆田扁肉湯 $22
肉餃細細粒，皮薄煙韌，一啖可以食幾粒，湯底偏濃，呢個做飯前小食都不錯。
🔹興化炒米粉 $86
第一次食呢種米粉，米粉好幼細，而且口感軟綿綿，唔會好乾身癡口。材料都足料，有蜆、蝦、菜等，味道帶點焦香味。
📍 莆田
元朗元龍街9號形點一期2樓2040號舖
．
．
環境分數：7/10
食物分數：8/10
．
．
#traveltobkk
