A hero is nothing but a product of his time, GOSH!!
-
終於有機會去到九龍城傳說中既平民美食天堂，
今次揀到呢間日本風味小店，店面企理乾淨，
加埋牆上一幅幅漫畫風壁畫，色彩鮮明，
天花以白色漁網裝飾，幾有心思，
員工服務亦都好貼心，呵護備至，
店鋪以丼飯專門店命名，咁「丼飯」當然係必點之物啦！
選擇非常多，有一樣必定要推薦就係呢到既「味噌湯」
係任飲唔嬲既，每張枱都有一個高身保溫瓶裝住，
我飲左成大壺呀！👇
-
📌 蟹王丼 - $238
👉 以大量新鮮甜美既熟蟹肉同埋帶少少鹹鮮味既
三文魚籽、火炙過既加拿大海膽同埋刻左字既玉子
以一個楚河漢界做一個賣相，非常搶眼，
份量係超級澎湃，大量青蔥同魚籽做襯托，
飯粒好有咬口，成個飯既層次非常豐富，
因為餐廳唔主張將醋加入飯粒裡面，
會建議將青檸汁榨落飯粒以達到更香境界！
-
📌 海膽三文魚籽丼 - $198
👉 繼王牌之後，呢個以海膽、三文魚籽、
魚籽同埋原隻鮮雞蛋混合而成，賣相相當吸引！
雞蛋令到入口更加滑嫩，各類魚籽鮮味出眾，
撈埋一齊食可以話係終極享受！
-
📌 蒲燒鰻魚 - $88 (半條)
👉 作為一個鰻魚迷，一定要嗌一份向餐廳致敬！
白燒同蒲燒我會比較鍾意蒲燒，
口味相對濃郁，今次呢個做到油脂分佈平均，
半條份量相厚身，質感肥美，
完全食到魚油果種香味，呢個必定要嗌！
-
📌 海膽天婦羅 - $68
👉 一塊紫菜輕輕包住密麻麻既加拿大海膽，
沾上脆漿炸後仲保留到海膽既鮮味，
外層酥脆無比，只要輕輕點上海鹽或蘿蔔絲已經
好夠味，唔需要額外再過份調味，呢個就係原材料既
味道！最後埋單都係每人$250左右，
呢間高水準丼飯，絕對值得再試回味！
