Kefu San

呢間餐廳地方雖然細但裝修就好落本，俾到我一種好休閒同舒服嘅感覺。講返食物，我今晚食咗三樣嘢包括慢煮西班牙黑毛豬叉燒，龍蝦「他他」同法國春雞「釜飯」。先講個龍蝦「他他」，龍蝦肉算多，撈埋蕃茄，紅洋蔥，芫茜同牛油果，呢個配搭真係睇到已經想食。個慢煮叉燒亦相當正，又香啲肉又腍，再加埋個用薑蓉整嘅醬，真係冇得頂。至於個釜飯，用法國春雞整已經係信心嘅保證，再配埋有飯焦同帶微辣嘅飯，真係又飽肚又好味。