「我不要毅然別去，背城借一，遠方寄居。」
可能你會認為最近肺炎疫情愈黎愈嚴重，
不如離開香港避一避。但始終呢到都係我屋企，
經歷過SARS一役更加深深明白生於斯，
長於斯呢個道理。但成日提心吊膽都唔係辦法，
心理質素都好影響個人健康。有見及此，
約埋個朋友係尖咀呢間氣派十足既酒吧餐廳
「LAB EAT Restaurant & Bar」Chill一Chill。
餐廳以黑金兩色調做點綴，樓底夠高
自然空間感都夠睇頭啦。👇
-
📌Fresh Oysters - $68/pcs
👉我做過research，呢到主要以À la carte形式點菜，
整體價錢合理。首先嗌左個每日都有唔同既生蠔拼盤，
今日生蠔來自法國產地既Taylie，賣相新鮮，
口感creamy仲帶少少海水味。可以配搭檸檬
或特製醬汁，將個鹹鮮味更加突出，回味無窮。
-
📌Melting French Raclette Cheese w/ Potatoes &
Smoked Ham - $188
👉一道法國傳統前菜「熱溶法國流心芝士」，
相當有驚喜。Staff會將一整塊克雷特芝士係
我地面前將表面慢慢刮落黎再流落沙律菜面上，
成件事好有娛樂性，芝士果種質感有種令人
細味既境界，簡直係catch your eyes。
加埋香草烤薯、意大利煙火腿、
火箭菜配搭芝士一齊食，份外惹味。
-
📌French Duck Liver w/Green Apple Puree - $158
👉第二道前菜「法國鴨肝 · 紅酒蘋果蓉」
當然有我最愛既香煎鴨肝啦，呢個主角Size適中，
擺盤精緻。煎到微微焦香既外層，油脂豐富，
入口融化感到好處，配搭帶酸酸甜甜既蘋果蓉，
非常開胃。
-
📌US SRF Wagyu Striploin Steak - $428 (400g)
👉每個牛魔王都無法逃避既巨型「美國極黑和牛西冷」，
成400g咁重，一睇就知份量唔講少啦。表面既
Grillmark相當突出，成塊和牛燒得均勻，
帶少少微焦色澤分明。而切開仲見到肉質粉嫩，
岩岩好五成熟，入口嫩滑彈牙，牛味濃厚，
完全無韌既感覺，呢個不得不試!
-
📌Lab Eat Dessert Platter - $328
👉最夢幻既招牌甜品「Lab Eat液態氮甜品拼盤」，
要預先提早一日向餐廳落定order。而呢個拼盤既
主角係個巨型既72%比利時朱古力波，Staff會將
液態氮慢慢倒入去，將裡面裝滿哂既青蘋果味既
氮份子料理變成粒粒雪糕咁，口感好特別；
另外甜品仲有法式馬卡龍，甜而不膩；
雲呢拿雪葩、黑加倫子雪葩，賣相精緻，
質感幼滑；熱情果芝士蛋糕甜度岩岩好，
個口感結實，凍冰冰好清爽；Tiramisu濃郁既
咖啡味，加埋裡面粒粒食到粒粒果凍，幾有咬口。
最後Staff會幫我敲碎埋成個朱古力波，
等你方便慢慢細味，扑碎呢下夠哂治癒！
-
📌Wine Pairing -
▪ Kessler Vintage Select Blue Riesling - $78/Glass
▪ Marques de Riscal 'Arienzo' Rioja Crianza,Rioja
DOCA - $88/Glass
▫ 由Staff推薦既兩款紅白酒，前者主要為
來自德國既餐前白酒，用黎配搭生蠔就最夾，
入口唔會太澀，味道偏甜易入口；後者為西班牙
品牌既紅酒，質感柔和帶少少木香，口味比較
適合大眾，同個Steak有不謀而合既化學作用。
