泰妹餐廳 (觀塘)
觀塘興業街4號The Wave 1樓101及103號舖
平靚正泰國菜
觀塘實有太多好嘢食，今日我就去咗位於The Wave 1樓嘅泰妹食泰國菜。由於一早就到餐廳，所以都未有好多顧客。餐廳環境好舒適，服務員態度和藹親切。
冬蔭海鮮湯：
食泰國菜最中意叫嘅菜式，都莫過於冬蔭功。泰妹嘅冬蔭海鮮湯除咗大大隻嘅大頭蝦，仲有大大隻嘅青口添。冬蔭功不算太辣，而因為有海鮮嘅原故，味道更為鮮味。
蛋花黃咖喱軟殼蟹火山包：
依個火山包賣相夠哂一流，軟殼蟹感覺要係個包度爆出嚟。軟殼蟹份量好多，而且每隻都有蛋醬包住炸熟，非常之香。切開火山包，蛋花黃咖喱傾瀉出嚟。黃咖喱混合蛋花，令咖哩增添蛋香，不論點麵包、又或者係點軟殼蟹，都別有一番風味。
椰汁芒果糯米飯：
泰國菜甜品嘅首選當然係椰汁芒果糯米飯啦。有別於其他泰菜餐廳，其中一款糯米飯係綠色嘅斑斕糯米飯。糯米飯煙韌軟糯，，配埋新鮮芒果，好好味。
Ku Ping
