【春水堂】
📍觀塘apm一樓L1-1號舖
《鹽酥杏鮑菇 $38》
之前去台灣食過鹽酥杏鮑菇，好味到一試難忘，
見到春水堂都有，所以決定試下。
外皮酥脆，件數多而且大大件，杏鮑菇厚肉多汁，
可惜唔夠咸香，唔知係咪忘記落鹽，比較淡口。
《烏龍豆干 $33》
一直好中意食豆類製品，豆干粒索曬d烏龍汁，
酸酸甜甜又多汁，入口有微微的烏龍茶香，
仲撒上不少白芝麻，增添香氣。
《魯肉飯》
豬肉夠肥美，醬汁濃郁，加入香菇、肉鬆，
味道咸香中帶點甜。米飯應該是用上珍珠米，
口感煙韌有咬口，輕鬆搞掂😛
《烏金狀元珍珠奶茶 $35》
鐵觀音奶茶味道濃郁，
加入清涼的仙草和Q彈的珍珠，特別涼快。
因爲食太多野，所以刻意叫左少珍珠，
喜歡珍奶的朋友不容錯過🙌🏻
——————————————————————
美味指數：⭐️⭐️⭐️⭐️
抵食程度：⭐️⭐️⭐️⭐️
回頭率：⭐️⭐️⭐️⭐️
Iris Tsang
