同朋友行開k11，見到有間好靚既泰國菜餐廳，一於去食個靚tea先。
阿閒泰式全日早餐
一黎到嘩左一聲因為賣相又靚又勁豐富，有香茅冬蔭功燒蝦，泰式西多士，黑松露炒蛋，腸仔，香茅牛油炒野菌，紅咖哩酥皮盒，牛油果酥皮盒，同野菜沙律。
蛋同野菌都炒得好香，酥皮盒酥脆，泰式西多第一次食都幾特別。
阿閒泰豬肉丸船湯卷粉配脆爆豬腩仔
黎到泰國餐廳梗係要食下泰國粉。卷粉係店員推薦，一塊塊尖尖地既粉，食落少少煙韌有咬口。豬腩仔份量都幾多，炸得皮脆好入味。
熱情果菠蘿冰配芒果椰汁糯米芭菲
下午茶梗係唔少得甜品。宜個組合可以一次過試到2款甜品。菠蘿冰好refreshing。芭菲就相對邪惡好多，又有軟雪糕，又有好軟好煙韌既糯米飯，仲有好多脆爆波波。食完超滿足。
跟下午茶餐有一杯飲品，我地分別係飲熱同冷凍既荔枝花茶，味道清新香甜。
。
。
阿閒泰
尖沙咀河內道18號K11購物藝術館2樓219號舖
。
。
