今日又係因為Restaurant we嘅推廣試一下這間餐廳呢間餐廳充滿日本風格，感覺開陽舒適，座位亦都唔會好迫。
Restaurant week 午餐$248+$98 A5 牛肉眼
三文魚子茶碗蒸
茶碗蒸熱乎乎，口感香滑，滿滿三文魚子，味道鹹鮮。
關西風壽喜燒A5和牛西冷
這壽喜燒由師父親自處理，和牛煮到半生熟，口感相當嫩滑，西冷又唔會太肥膩，又有少少肉味，加上濃厚嘅醬汁，再配上少少蔬菜，配上香滑嘅蛋汁，正呀！充滿牛脂的甘香，又有牛肉味，口感順滑，很滿足嘅感覺。
A5 和牛肉眼
肉眼部份入口即溶！口感相當嫩滑，油脂滿滿的，脂香馥郁，口感柔潤，加上蛋汁中和醬油嘅咸味，口感更為濕潤，好吃！
烏冬
呢個烏冬係幼嘅烏冬，口感比較軟滑，柔軟軟的，味道係醬油味。
舞松菇清湯
呢個清湯感覺清新，又幽幽嘅茹香，正好清一清味蕾，感覺清爽。
甜品
由於唔食得奶製品，店家幫我換上蜜瓜。蜜瓜10分清甜，多汁好吃！
