Neighbor

A Western cafe located in Causeway Bay. The Foie Gras Toast and Spaghetti with Crab Meat in Pumpkin Sauce were not bad, but the Buffalo Wings tasted like the normal BBQ wings. Photo shot @ 31 Dec 2017.

《Neighbor》 #食在銅鑼灣 📍銅鑼灣邊寧頓街5號地鋪 - 之前上網見到有人食呢間 有款原個南瓜海膽海鮮飯好吸引 點知去到賣哂😭 咁試下其他啦 食住西餐飲台式飲品你又試過未？ 樓下係賣台式飲品 個位置都幾唔起眼 唔係專登黎都未必會見到 🔹凱薩沙律 $58 比起平時食嘅凱薩沙律切得比較碎 沙律醬落左好多 會酸小小 如果鐘意酸嘅朋友就岩你啦 🔹芝士煙肉焗蠔 $68 熱辣辣焗起 芝士都幾多 煙肉唔會搶左蠔嘅味 不過呢個價錢得兩隻就偏貴小小 🔹水牛城雞翼 $68 有6隻 咸咸地小小辣 不錯 🔹墨汁蟹肉意大利飯釀原隻墨魚 $128 一份有兩大隻墨魚 岩哂同朋友share 已經預先切左部份 都好方便食用 墨魚幾爽口 但個墨汁飯就相對比平時嘅淡小小 呢個用黎打卡都ok 🔹芝芝莓果雪沙 $34 去到邊都會飲芝芝莓果 呢個芝士係偏咸同埋結身小小 藍莓味幾濃 但唔記得嗌小甜 有d太甜 🔹Oreo波波茶 $30 撈埋Oreo我覺得好飲過普通黑糖珍奶🤣

其實我經過呢個位十萬次都有，但一直都唔知係樓上係有間西餐廳係入面架！朋友知我對黑糖鮮奶要求高，又唔想陪我排人氣飲品店，就直接帶左我去呢間「只會經過但不會知道」的餐廳。 原來近排餐廳跟台灣茶飲過江龍——美好年代攪Crossover，讓大家可以邊嘆黑糖鮮奶等台式飲品，邊食Neighbor的西餐。 餐廳位於飲品店的樓上，確實有少少難揾。餐廳唔係好大，環境暗暗地，都幾有情調⋯ 重點係唔會好嘈，最岩幾個朋友靜靜地傾下計。 餐廳有八個Courses的二人Set Dinner，不過我們計過如果我們散叫唔會差太遠，加上我們想食的牛排及意粉都唔係Set入面，所以直接a la carte。 朋友仔左杯芝芝芒芒，飲落芒果味都幾清新，加埋厚厚的芝士奶蓋，味道估唔到可以咁夾。我就叫左杯香港限定的烤布雷奶蓋波波茶，佢係近排大熱的黑糖鮮奶，上面再加了芝士奶蓋及炙燒黑糖，入口奶味都夠滑。芝士奶蓋味道清清地，唔會喧賓奪主。加上黑糖夠香、黑糖珍珠又夠煙韌⋯ 我本人就覺得好飲過老虎個間(帶返頭盔先，每人口味不同)。 我們揀左一份芝士煙肉焗蠔做我們的餐前小食⋯ 蠔肉雖然縮得都幾犀利，不過個芝士焗得幾香。 南瓜蟹肉意大利粉比相像中大碟，意粉算係軟個種，加埋蟹肉及即刨芝士，配埋南瓜忌廉汁，味道都幾夾。 肉眼一般都比西冷的油脂更香，肉質更嫩。餐廳的美國安格斯肉眼夠厚身已經贏左一半，加上肉味香，油脂又均勻，又唔會成舊筋/脂肪阻住晒，整體都幾高質。我們叫左五成熟，食落岩岩好。薯條用了粗蘿條，炸得金黃又入面唔會太乾。 食完已經幾飽了，但我們有點意猶未盡，加上餐廳今日WeekDay唔多人，我們另外叫左兩杯水果茶，諗住坐耐少少。黃色個杯係美好水果四季春，入面加左士多啤梨、橙、檸檬、蘋果、熱情果及荔枝，入口清清甜甜。橙紅色個杯係美好紅柚，入面的紅柚都幾多，味道酸酸甜甜，飲落都幾開胃。如果熱的果茶唔岩，大家仲可以揀凍飲。 #2019情人節