Wing Wah Southeast Asia Cafe

經過華南冰室，總會看見很多'老友記'係入面歎茶。今朝見人少少，終於踩咗入去！一埋卡位，叫個例牌早餐，先來一杯凍央，份量足夠，但係師父似乎冲得淡一D！略甜而唔夠茶味！跟著的餐肉麵，可以接受。餐肉厚度適中，煎得幾香脆！雙蛋我較為喜歡煎兩面，呢份冇散黃，啱啱好！半份油多內，牛油算是足料。埋單要收$30，OK！收費是合理的！有時真係要來下呢D舊式茶記食野，別有一番風味 . #traveltobkk

今天天氣和暖最適宜到處走走，行經上環一帶真的改變不少。近這幾年塗鴉牆的魅力吸引不少訪客，還有老字號和新店舖的共融，成就了一個好去處。 差館上街不經意發現一間茶餐室，見內裡裝潢不錯，順道來一個午餐吧！ 點了一個常餐，跟平常茶餐室的有少許不同。大多數的茶餐室是餐蛋麵之類，這𥚃是香芧豬扒，黃薑雞扒.....菜式比較特別。 麵類可選的是福麵，金邊粉和米粉。我選擇了福字麵，充滿著我兒時回憶。 餡料是黃薑雞扒，調味恰到好處，不過鹹，肉質軟腍。 跟餐的還有炒蛋，火腿，香腸和牛油多士。 炒蛋炒得嫰滑，中間位置還有蛋漿流出，火喉恰到。 餐茶是茶走，茶味香濃，沒有被煉奶的甜膩遮蓋，順滑好飲。

最近午飯時段，越行越遠，今日走到差不多上環既半山，見到一幢綠色的樓宇，非常搶眼。行近啲睇睇，見到一間頗有特色的食店，外面掛了一幅黑底金漆招牌，寫著「榮華南洋冰室」，而室內裝修亦富有東南亞風情，非常懷舊。 話明係南洋風味，咁食物當然係東南亞美食啦！有海南雞飯，沙爹串，金邊粉，香茅豬扒冬陰公和咖吔多士等等。 因為時間關係，未能細閲餐牌，就用最快嘅時間點了一個南洋特色常餐$58包飲品飲品，仲加咗$5轉奶油豬仔包添！呢個價錢係中上環算是平民價喇。 本人覺得碗金邊粉分量頗細，我就啱啱好，不過對男士們一定唔夠飽。奶油豬仔包，脆就脆喇，不過焗得時間唔夠，冇烤焦的感覺，沒有那種焦香味。其他食材都是很一般，沒有太大驚喜。 #2018秋