Anne Yeung
✨灣仔老字號茶餐廳 尋找兒時的味道🍴 上次去灣仔另一間老字號食早餐大感失望 本來對一啲歷史悠久嘅冰室、茶餐廳已經冇晒期望 好彩呢間順景茶餐廳俾我搵返少少信心 今日嚟食佢嘅下午茶餐 價錢都唔算貴 而且份量十足 粉面飯定係多士窩夫都係$36包咖啡奶茶😳某程度都算係良心價格👍🏻 我就叫咗炒肉醬意粉 佢嘅味道同一般嘅肉醬意粉差唔多 但食得出係細嗰出街食嘅嗰種傳統港式肉醬意粉嘅味道 炒完都算濕潤唔會話好乾身 肉醬汁比例唔會太多太少 不過面就有少少碎好快就食曬成蝶 朋友叫的叉燒滑蛋飯都好傳統 好中式！ 另外因為提供窩夫嘅茶餐廳已經少之又少 所以我哋都嗌左個朱古力煉奶窩夫黎試 完全俾佢嘅份量嚇親 兩個人分食完之後係飽到上喉嚨 即叫即整 但味道方面就正正常常冇乜特別咁啦 煉奶同朱古力醬都好香 不過唔快啲食就會有少少變硬嘅感覺🙊 呢度嘢食係唔錯嘅下次可能會再嚟試佢馳名嘅焗豬扒飯👍🏻 #RettyBuddyHK
