終於食到大人氣千層蛋糕😍！ 為表決心，我12:30就嚟到排隊，但前面已經有8個人排緊隊，大家都好早🙈 一點開鋪，13:20二十分鐘就賣哂，真係好誇張。不過食完個蛋糕就明白小店真係紅得有道理。
抹茶流心千層蛋糕大概有15層，crepe係除Lady M以外做得最好嘅一間👍🏻！質地食落唔厚亦有蛋香🥚，每層之間嘅忌廉平均份量亦足，重點係忌廉打得好輕盈甜度低唔會覺得滯。說到抹茶味亦算非常出色，面頭有一層滿滿嘅抹茶粉，味道偏苦而非回甘，始終呢隻抹茶粉唔係飲用級，不過味道濃郁無誤，而蛋糕中間嘅流心絕對係一大亮點，茶味香濃又唔甜😋。
Lady M唔再出Earl grey crepe cake都無有怕，因為呢度嘅出品不單拍得住Lady M，而且伯爵茶千層蛋糕嘅茶味更突出更香濃。說到伯爵茶味亦非常出色😍，茶味馥郁醇厚，各方面都完勝市面上其他嘅出品，價錢只係$32一件，絕對係價廉物美嘅代表👏🏻
