Kefu San

終於試到呢間係太子嘅餃子店。店裏面有三款餃子可以選擇，由於我最鍾意食韭菜餃嘅關係，我就叫咗大碗韭菜肉餃湯餃子同煎韭菜肉餃。先講個湯餃，個湯係用野葛菜煲嘅。至於餃子方面，真係好大隻，同好多餡料係入面。如果叫大碗嘅話總共會有10隻餃子，味道算唔錯，好多韭菜，真係好足料。煎餃子方面我就叫咗細碟，總共有7隻。比較湯餃同煎餃，我自己就比較鍾意食煎嘅多過湯餃。另外值得一提嘅就係個辣椒醬，有菜脯，指天椒同豆豉喺入邊，好正好味。總括來講都算ok，但係因為每一隻餃子都好大隻嘅關係，一個人係冇可能食得晒17隻餃子。