✨港島東良心價錢高質小巷蛋包飯🍴
見到有呢區嘅Retty foodie Dolly介紹
話其實太安樓附近都有好好食嘅推介👍🏻
就係呢間在小巷一角 華記士多嘅蛋包飯！
其實menu就係得3樣嘢揀
- 招牌芝士咖喱蛋包飯 $41
- 咖喱蛋包飯 $38
- 台式滷肉飯 $38
平到你唔信😭 仲要包嘢飲冷熱同價！
今時今日...邊度搵凍飲唔駛加2蚊😭
奶茶仲要幾好飲
不過講返個飯 簡簡單單 蛋係嫩滑多汁
飯係炒到好香 仲要食到雞肉（唔係碎粒）
咖哩汁唔會太水 全部比例剛剛好
我覺得 呢個係我喺香港食過最好食蛋包飯之一😭
仲要係呢個價錢...簡直感動人心
唯一要挑剔，只可以話有潔癖嘅可能擔心小巷唔乾淨。
完！
