朋友想食日本野，又想坐得舒服啲，我哋就揀咗位於尖沙咀嘅花木，覺得呢度幾好環境都幾舒服，食材都幾新鮮！
.
前菜叫左胡麻菠菜油揚沙律，菠菜沙律好好食，菠菜沙律爽口，
豆皮就比較淋身，再加上開胃嘅胡麻醬，都唔錯㗎
.
香蔥吞拿魚腩蓉薄脆，吞拿魚腩蓉充滿魚油香，拌勻香蔥絲，令味道豐富啲，魚蓉份量都幾多，唔洗就住食～將吞拿魚腩蓉放上薄脆上一齊食，軟滑嘅魚蓉再加上脆卜卜嘅米餅，都幾特別～
.
築地壽司8本
分別有池魚、拖羅、帆立貝、三文魚籽、牡丹蝦、玉子、三文魚等等，壽司擺盆好精美，我食咗其中幾件，牡丹蝦口感軟糯爽口，三文魚籽咸咸香香，帆立貝肥美鮮甜，拖羅都好肥美呢！
.
清酒煮大蜆， 大蜆散發住清酒味，粒粒乾淨冇晒又彈牙
.
自家製免治雞肉串好好味，雞肉燒到香噴噴，幾有咬口，可以點埋雞蛋😆😆
.
和風野菜炒麵炒得好香，炒麵汁幾濃郁，又唔會過鹹，麵條彈口，雖然得野菜，但係野菜款式都幾多，所以都幾好食
.
沖繩豚肉炒苦瓜，豬肉片幾嫩，但對我來講苦瓜就有啲苦，但朋友覺得幾好😆😆
.
呢餐同朋友食得幾開心，可以慢慢傾計，侍應都好好服務，會主動幫我哋添水
