窩子

最近行經新蒲崗hea下， 發現喺mikiki附近有一間好有懷舊特色嘅coffee shop 店舖内好多60至70年代舊擺設， 好似舊式唱片機、玩具等， 而且所有座位都用上舊傢俬， 古舊味非常濃郁！ 友人本來想嗌日式海鮮大阪燒薄餅， 可惜當日已賣晒， 轉咗韓式泡菜豬肉薄餅嚟食， 薄餅以酥皮製成，皮薄餡多不在話下， 酥皮同泡菜豬肉非常之夾，食到好開胃！ 呢度定時都有唔同嘅特飲， 配合夏天主題而炮製「青蔥歲月」， 以青檸同青瓜做主打，飲落非常冰涼爽口 當然唔少得品嘗一下呢度嘅barista的手勢啦，我哋就叫咗杯手沖咖啡， 咖啡豆來自埃塞羅比亞，飲落口感濃郁粗獷， Last tasty 更加覺得似黑朱古力味～ 總括嚟講，我覺得呢度無論食物、 飲品同環境一流，好適合想hea下嘅朋友！

． 窩子疏乎里班㦸🥞 💯 氣感十足 💯 入口軟綿有蛋味 💯 幼滑忌廉 💯 新鮮士多啤梨醬 💯 ． 連Main course 都好好食💯 ． Cold brew coffee 都好味 不過份量太少得兩小杯 #唔夠喉

雖然呢間cafe地點隔涉，但真係值得為咗佢哋嘅梳乎厘pancake再嚟🥞價錢加咗少少，但仍然係高質😍 梳乎厘pancake有原味經典牛油楓樹糖漿同士多啤梨醬兩款，上次食咗士多啤梨醬，今次食埋原味。Pancake厚身亦唔易塌🥞，質地鬆軟輕盈，但又唔會得一陣風咁，而且富蛋香🥚真的好喜歡！楓糖牛油係亮點❤️，令pancake再加分，反而楓樹糖漿偏甜，建議唔好加咁多。食咗兩款味道喜歡原味多啲✌🏻 除咗梳乎厘pancake，呢度嘅咸食都唔錯啊👍🏻 韓式泡菜豬肉脆皮薄餅嘅餅底用酥皮去做🍕，食落酥酥脆脆，泡菜豬肉足料又惹味，味道偏甜，酸酸甜甜的又帶點香辣🌶。酥皮餅底無傳統嘅咁飽肚，所以一個人食完三件都仲食得落其他野😛