Granada

元朗高質私房菜 Granada by JW～記得以前食過屋企附近嘅西班牙餐廳Granada，印象深刻，後來餐廳無再做仲覺得好可惜！最近先知原來老闆大廚有新定位，開咗間Granada by JW，私房菜形式，可以更加專心一致招呼客人。 今晚同好姊妹訂枱嚟食私房菜，6-course 每位$658，雖然價錢喺元朗區算係幾進取，但食材上乘，環境亦偏向溫馨格調，無九龍區嘅餐廳咁焗束，我哋都覺得收費合理。 1st course ：帶子‧海苔‧檸檬味 帶子刺身用料新鮮，質感柔軟，清新嘅檸檬汁珠珠亦增添帶子鮮味，係好聰明嘅配搭。 2nd course：火燙藍鰭吞拿‧魚子醬‧蘆筍 藍鰭吞拿魚魚味極濃，入口軟滑無渣，加上魚子醬點綴，鮮味更加突出。 36個月西班牙火腿‧車厘茄‧醋漬蒜頭‧橄欖 Parma Ham份量不少，而且不愧係36個月，入口油香滿溢，鹹香十足，質感亦柔軟硬，鍾意食Parma ham嘅一定唔可以錯過！ 3rd course：周打魚蠔湯 比想象中稀身，不過超鮮甜，開頭以為係用咗某D魚先會咁鮮，後來先知原來係加咗蠔！ 4th course：龍蝦‧龍蝦汁 龍蝦爽口彈牙，非常新鮮，加上鮮甜度爆燈嘅龍蝦汁，每啖都迸發鮮味！推薦！ 松葉蟹肉‧三文魚子‧海膽汁 呢三樣食材配搭起來其實本身就已經贏在起跑線，鮮甜嘅松葉蟹肉混合鮮味嘅海膽汁，面頭再擺上鹹鮮嘅三文魚子，正！ 5th course：Daily Starter 今晚好正呀，有新鮮蟶子！蟶子巧妙地加入茴香，味道更有層次，面頭嘅黑魚子亦增添鮮味。蟶子鬆脆鮮甜，完全無沙！ 6th course：Main Course 其中一款係招牌燒西班牙伊比利豬鞍架肉味濃郁，肉質細膩油潤，完全唔會嚡！雖然松露薯蓉都好食，但係我覺得唔駛蘸更加食到肉味！ 另一道主菜我哋就揀咗烤日本海鯛魚(+$30)，海鯛魚表面烤得微微焦脆而內部柔軟，可惜嘅係魚味唔算好突出。 加$38點了一件朱古力慕絲蛋糕，不過就比較失望。朱古力用料未夠優質，甜度略高，大廚處理主菜方面明顯好好多呢！

Granada絕對是元朗首屈一指的西班牙菜，朋友都盛讚Granada它的質素相當高，所以挺喜歡來這裡用餐。昨晚朋友已經訂座及預訂他喜歡吃的那個菜式，今晚與我慢慢享用，謝謝他的細心。 Granada的南瓜湯百喝不厭，味道非常濃郁，相當順口，而且南瓜湯不只以南瓜熬煮，還加入蕃茄烹調，一點一滴南瓜湯鮮美無比，我都愛透了。 黑毛豬火腿蕃茄沙律橄欖的清香，配上酸甜的蕃茄，爽脆的沙律菜，烘托出西班牙黑毛豬火腿肉質，脂肪含量均勻又有豐富肉纖維，絲絲鹹香，胃口大開。 朋友提早預訂兼他至愛的西班牙氣酒煮大海蚌配法包令人愛不釋口，法包沾點西班牙氣酒醬汁細味美味極了，淡淡的香草氣息與酒香突顯來自深海的大海蚌那鮮味，其脆彈的肉質與氣酒超對味。 燒西班牙伊比利豬胺架脂肪比例完美，比一般豬胺架更為柔嫩，輕輕一切，豬胺架香氣四溢，滋味令人回味無窮。配上炸得金黃酥脆的薯條，以及酸甜清爽的沙律，烘托出豬胺架的層次感，吃起來甘香不膩。 芝士汁蟹肉蟹膏意粉一上桌，撲鼻而來的是一股香香的芝士汁，眼睛裡也可以清楚地看到沾滿蟹肉與蟹膏的意粉，餐廳用料實在很給力，亳不手軟，光看的覺得很實在。每一口意粉入口都可以吃到蟹肉，蟹膏，能嚐到天然的海味有種淡淡的幸福。

認真製作的西班牙菜。店內不少特色西班牙菜都值得推薦！蒜油大蝦絕對又惹味又香濃，為了讓顧客盡吸精華，還會送上幾片麵包！正正正！