ZUC.CCH.ERO

造型精巧的甜點幾乎是所有女生都愛！ 這間餐廳的餐點簡直是藝術品，每件都製作得十分精緻，人氣推薦有櫻花樹下、Tears及富士山等。 如不想只吃甜品也可試試Tea Set($338)，包括咸甜點共十款，款款茶點造型都很精緻又充滿特色🤤 同樣精緻得讓人頻頻拍照打卡，捨不得吃掉！ 配襯雲石紋杯碟和室內雲朵設計，光是拍照已忙得不得了！😍 當中雲石控必愛的馬卡龍，灰白色雲石紋美得像油畫色，味道也很有驚喜，裡面是三文魚籽和芝士醬，咸香味剛好可以中和馬卡龍的甜味😋 圓形竹炭芝士蛋糕球也很幼滑，冷凍的濃厚芝士蛋糕，口感像雪糕一樣😋 還有用銀匙盛起的Tiramisu 一樣滑溜甜蜜。 Tea Set 包一杯飲品，我和朋友和選擇了Earl Grey 和Pomegranate Ooloong， 兩款也採用英國品牌茶包，很好喝👍🏻Pomegranate Ooloong 更帶點甜香味，值得一試😍

早排閨蜜生日，於是就同佢去佢好想試的份子甜品店。甜品店位於銅鑼灣，地點亦好易揾。 入到餐廳已經比掛係天花的白雲深深吸引住，實在太可愛了！ 店內的裝飾及整甜品材料都放得特別有心思！ 朋友一早心目中已經有想食的item，當中包括每日限量10份的富士山及眼淚系列的餐廳Special。富士山係個餐黎，仲會包兩杯飲品。而眼淚系列都有三種味道可以選擇，三款的味道同眼淚的顏色，但大家想轉眼淚的顏色就要加錢了。 富士山係以波子汽水、乳酪及蜜瓜芭菲、橙味蛋糕及櫻花啫喱整成。 食之前，職員會倒液態氮落富士山山口內，令甜品變到好似雪糕咁，味道比較重波子汽水味。 本身想叫藍色的眼淚，點知見到有Blue cheese ice-cream唔敢叫，所以就叫左Namida(淚)。用匙打碎眼淚的糖波後，就會食到以綠茶雪糕、益力多冰、梅酒啫喱、乳酪蛋糕、小丸子而整成的甜品。因為有益多多冰，所以食落都係酸酸甜甜的。 另外一份吸精甜品就係Para  Para  Sakura。 Para  Para  Sakura造型可愛，模擬緊落櫻的Moment。味道黎講，我比較鍾意呢個！(可能朱古力味夠香濃)。櫻花樹就用左粉紅色的棉花糖，下面就用左紅莓啫喱、朱古力Mouse、朱古力蛋糕。撈埋就係好濃郁的朱古力Mosue加埋酸酸地的紅莓味。 飲品方面都好可愛！呢兩杯熱茶的茶葉都係放係支「棒棒糖」入面，飲落都幾香。 另外，我叫左杯Pompelmo(有汽柚子果汁)，除左個杯好吸精外，餐廳仲放左Ice Stone入去，令有汽果汁keep住凍凍。 另外，仲有一個朋友叫左杯熱咖啡，雖然無精巧的拉花圖案，不過味道都ok的！ ============================== 鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)

富士山甜品 ($258/包兩杯飲品) @zuc.cch.ero 評分：5.5/10 賣相絕對吸晴，小小一座富士山真係好可愛！ 賣相就一流喇，唔知味道如何呢？ 富士山分開三層，分別係最頂的忌廉配乳酪雪芭、中間的波子汽水雪芭及底層的蜜瓜忌廉。 乳酪雪芭基本上冇乳酪味，波子汽水都非常清淡，第一二啖都還好，但愈食愈冇味，好似食緊冰咁🙈忌廉唔夠滑口，有粒粒，配上雪芭口感唔係好搭。 櫻花啫喱冇咩味，反而摸仿草的橙味蛋糕碎味道最濃，所以後尾每啖雪芭都要加少少蛋糕碎一齊食，亦可以點少少士多啤梨醬提升味道。 整體而言，賣相一流，但味道有所保留。