Lanki Man
自古以黎，所謂酒入愁腸愁更愁，但我就唔係咁 睇啦。飲酒都要睇你係咩情況飲就會有唔同既感覺， 例如美食當前，飲既一定係最快樂，唔係點叫做美酒 佳餚呢？今次黎到尖沙咀有"酒鬼天堂"之稱既諾士佛臺 搵到一間頗有舊式日本風情，仲播緊80年日本金曲既 居酒屋。呢到出名藏有超過200幾款清酒，面對魔鬼既 誘惑，決定要豁出去，實肯不醉無歸呀！👇 - ▪ 芝士年糕 - $38/2件 ▫ 香口小食值得一試，外形睇落就似日本燒餅， 咬開芝士流哂出黎，口感煙煙韌韌，好好食！ ▪ 黑豚肉蘆筍卷 - $38/1串 ▫ 薄切黑豚肉燒得唔乾身，肉汁豐富。蘆筍有驚喜， 清爽口感中和油膩感。味道惹味，賣相亦唔差！ ▪ 自家製免治雞肉棒 - $48/1串 ▫ 串燒外帶焦香，配合附上既生雞蛋配燒汁， 撈勻再點黎食，啖啖滋味，雞肉滑嫩無比， 咬落仲好鬆軟，色香美俱全！ - 📌炸吉列蠔配海膽汁 - $78 👉食日本菜當然唔少得炸物，吉列蠔呢個就必點既， 新鮮滾熱辣炸起，炸完裡面唔會抽乾哂水份， 口感仲係返到，最驚喜係個海膽汁呀！ 鮮甜得黎同個蠔既味道係好夾！ 幾想撈返幾個白飯tim呀！ - 📌翡翠螺醬油煮 - $78 👉辣酒煮既就食得多，今次用醬油煮既第一次試。 食得出大廚功架有返咁上下，將翡翠螺用雞湯煮起， 當中香味非常濃郁，肉質相當鮮嫩！ - 📌牛舌海鹽燒 - $68 👉聽Staff講呢個係餐廳招牌菜， 基本上每個客人一定會點，牛舌厚切唔在講， 用自家製三款調味料：柚子胡椒、芥末籽醬、 山葵蘿蔔配搭一齊食有唔同既新鮮感， 仲可以帶出肉既香味！ - 📌燒味醂雞泡魚乾 - $78 👉燒雞泡魚乾一定係我最愛既佐酒小食， 魚乾燒得仕味，質感比一般市面更加綿密， 唔乾身而且甜度岩岩好，一啖魚乾一啖Sake， 簡直係人生一大享受呀！ - ▪ 味噌燒飯團 - $34 ▪ 醬油燒飯團 - $34 ▫ 燒飯團做到好似燒餅咁外焦內脆，但唔會過硬， 可以連埋附帶既紫菜一齊食，兩種口味各有特色， 我偏向醬油味多少少，味道會岩好。 ▪ 海膽天婦羅 - $188 ▫ 海膽份量十足，天婦羅脆漿唔會過厚， 唔需要過份調味就已經食到原始海膽既鮮甜味， 紫蘇葉做夾層增加左清爽解膩感。 - ▪ 青羽太(半) - $480 ▪ 活魚骨味噌湯 - $30/Head ▫ 最後一個重頭戲就係活魚刺身啦！ 其實青羽太係我地平時食開既石班同一品種， 屬於高級魚生，肉質非常細嫩鮮甜，略帶桃紅色， 爽滑又夠彈性，除左可以生食之外， Staff仲會係你地食完哂成個刺身後會幫你拎d 魚骨去整味噌湯，不過呢個服務就需要收費， 個湯滿滿都係鮮魚味，呢個價錢絕對抵比！ - ▪ 滿壽泉。純吟 - $130/一合 ▪ 七賢。純米大吟釀 - $140/一合 ▫ 試左分別兩合既Sake，我比較鍾意七賢， 果香味相對濃少少，加上清爽口感，對我黎講， 會比較適合用黎夾濃味既小食！
