Wong Ching Man
網上見到到觀塘又有新樓上cafe,即刻要試吓啦 餐廳開12點假日 不設訂座，我哋去到12:30岩岩好有最後一張枱。聽到之後店家同後面嚟啲人講冇得排隊等位，要晏小小再嚟睇吓有冇位 ✨ Lobster salad & cheese croffle $88 呢個龍蝦牛角包賣相好吸引 上面一粒粒龍蝦肉，下面就係牛角包。食落龍蝦肉都幾彈牙 凍凍地，而牛角包應該係用窩夫機夾過，係扁身熱熱地。不過牛角包偏甜，我覺得同上面龍蝦肉唔太夾。而且上凍下熱，感覺好奇怪。 ✨ Smoked salmon & Feta cheese bagel $88 跟住叫左三文魚bagel，味道冇咩驚喜，bagel唔算煙韌。不過側邊啲鷹咀豆泥幾好味，好creamy。 ✨ Tiramisu Latte $44 上網見到相就好期待嘅tiramisu latte 我地一坐低就已經落咗單，但等咗兩個鐘都末嚟，應該係店員漏左單啦 可能新開比較亂，都聽到同場有其他客人都等咗好耐。 終於杯咖啡嚟到啦！點知咖啡面嘅可可粉嚟到已經索哂水，應該擺左一陣先上菜白搞到影出嚟冇咁靚 不過個味道係幾好飲 將手指餅放入去點咖啡食好好味。 ✨ Tiramisu牛角酥窩夫 $88 甜品要1點之後先供應，我哋食到1點就叫埋呢個tiramisu 牛角高夫 ® 賣相好吸引| 絕對岩港女打卡 🐱🐱 店入面仲有兩隻貓貓 好乖好可愛 不過黑色呢隻妹妹比較怕人嚟到唔好嚇親佢咄
