Simplylife Bakery Cafe (銅鑼灣)

銅鑼灣食街有好多選擇，基乎晚晚旺場，今晚情人節更為熱鬧。在沒有訂檯的情況下，竟然有位，佳因我們早去，不過限時一個半小時。 餐廳內昏暗的燈光，情侶最啱夠浪漫，不過位與位之間距離太近，有點大殺風景。 晚餐主食百多元至二百多元左右，可追加湯/沙律，紅白酒/冰茶。 今晚咁熱鬧，牛扒最啱氣氛。賣相ok。要求的半成熟有些少過火，不過肉質還算軟熟，肉味香濃。其實我頗欣賞伴菜的蘆筍和薯條。 蘆筍肥厚，嫩而爽口。 薯條炸得外脆內綿，薯香滿溢，好正。 有牛扒當然是要飲番杯酒，雖然牛扒配紅酒比較好，但我鐘情白酒。酒體比較酸，果香不夠。 餐湯金筍忌廉湯，味道中規中矩不太突出。 #2019情人節

同朋友去咗銅鑼灣食飯因為佢有優惠券就嚟咗呢度食啦。我叫咗牛扒五成熟，佢肉味道濃厚切開仲有少少血水，食落好有牛味亦都好淋，都好好食，係唔錯既選擇。

呢個南瓜湯真係我的至愛 好creamy好飲又唔會話太大疏果味 橙茶清甜好飲 比起野食 反而最欣賞佢個drink同soup👍🏻 叫左牛扒，牛扒好大塊配上薯條 我叫既係medium rare 後悔叫太熟了 有一點乾 但薯條都係炸得好好吃既 配上一d配菜中和下 good!👏🏻