炑八韓烤, 太子

繼續韓燒之旅，今次黎到位於太子嘅炑八。餐廳已經推出咗聖誕節套餐，都幾豐富。我哋叫咗呢款名品豬扒Wee嘩聖誕夜套餐($498)，個餐包咗名品大王豬扒、葱蒜牛五花、和牛肩肉、醬油豬五花、雞頸肉同紅蝦。 除咗一般韓國餐廳例牌會有好似泡菜、芽菜、醃蘿蔔等等嘅任食前菜，呢到竟然仲有魷魚遊戲入面嘅椪糖，有得玩又有得食，挑戰成功仲有燒肉送😂。 燒肉嘅質素唔錯，塊大王豬扒勁大塊，本身用醬油醃過，夠哂入味，就算燒耐咗都唔會變得好乾。 和牛肩肉肉質稔嫩，油脂分佈平均。牛五花牛味香濃，可惜咁岩有d筋位有少少韌。 紅蝦好大隻，食落啖啖肉，而且已經事先處理挑去腸臟。 我哋仲另外追加咗特級牛肋骨($198)，牛肋骨原條上都好大份，剪開可以鋪滿成個烤盤，肉味香濃。 烤爐邊有泡菜蛋同拉絲嘅粟米芝士，可以配搭烤肉一齊食，重點係仲可以無限refill，正! 飲品我地叫左柑橘鮮橙果茶($48)同薄荷荔枝梳打($38)，特別推薦柑橘鮮橙果茶，果味濃郁又清甜好refreshing。 。 。 炑八韓烤(太子店) 太子彌敦道749號歐亞銀行大廈地庫 。 。

醬油蟹又來了，今次質素比上次更好，店員說剛剛空運到港。 蟹膏澎湃，顏色呈橙黃色，新鮮度十足，對蟹敏感的朋友又要吃了，不過今次他吃後沒起敏感。肉質鮮甜，我又伴很多飯一齊吃了。其餘2位朋友都大讚一流！幸好沒有令他們失望。 烤肉餐 （牛肋骨、豬皮、大蝦、雞肉、豬腩肉、排骨、牛仔骨、牛笑臉）。 大部份肉類沒有醃製過，豬腩肉烤後呈現金黃色，相當吸引，肥瘦適中，愈嚼愈有肉味，除了包生菜吃外，我還喜歡用酸白蘿蔔片包，味道層次更特出。 還有薄切五花腩: 味道不過不失，可惜切的太薄時，脂肪分佈較多，我怕肥膩的會有少許抗拒。 朋友見到女神全智賢即時嚷著要點米酒 ，原來是用此器皿盛放，很有特色，不過味道似清酒般，很重酒精味，嚐一口就好。 最後是烤肉餐的甜品宇治金時冰沫，雖然我是綠茶控，但味道比士多啤梨遜色，綠茶味及甜味均不足。 #2019復活節

炑八是我其中一間比較常去嘅韓烤，最近4月1日新品登場! 超big size#王者牛肋骨 $225（長25cm） 用左長匙羹比對，完勝！ 牛肋骨有店員幫手燒，細心剪好，唔洗擔心火候問題。 肉質鮮嫩、牛味濃郁！ 可夾生菜或用任添芝士粟米沾住食，邪惡度滿分！ 肉類都可選半份 推介： #霜降牛小排 $98 油花分佈勁靚，牛味同樣濃郁。 #炑八特製護心肉 $72 是豬肉，但食起黎口感嫩滑，味道更像牛肉！ 爐邊蛋、芝士粟米等同樣無限量任添！