666泰船麵

今日終於拉到男友嚟食船麵，3點嚟到唔洗等位～ 船麵normal size價錢先20幾蚊，細食嘅一碗都夠！我地就先叫左個豬肉船麵($28)💪🏻湯底幾鮮甜，豬肉丸好彈牙！不過上面嘅豆卜太油😕金邊粉相對平時嘅有口感，不錯！ 另外大食男友要左extra size冬陰公金邊粉🤔但其實都係偏細碗，湯底惹味！但要2碗extra size先可以等於平時出面嘅一碗認真🤨魚蛋好正，新鮮彈牙！ 炸蝦餅30幾蚊都抵，好香口👍🏻👍🏻 #9月活動

細細碗🍜幾啖就食完，size同泰國嘅船麵相約。 船麵有豬肉、牛肉、雞肉、牛肉丸、豬肉丸幾款選擇。船麵雖然細細碗，但係都幾足料。牛肉船麵有牛肉、牛腩、炸豬皮、通菜等，麵條可以揀金邊粉、河粉、米粉、粉絲、黃麵，而我當然會揀我最愛嘅寬河粉，不過呢度個河粉偏稔身唔夠煙韌，湯底比尖沙咀嗰間濃，味道不錯，但當然都唔可以同Samsen比。價錢$20一碗，但大概要食3-4碗先會飽🙈 呢度仲有海南雞飯，同埋好多泰式小食選擇，價錢都唔算貴。

大愛的洪叔叔收左皮之後就開左呢間新既泰船麵，$20一碗，size細細確係同泰國街頭既風味好似，但真係唔知要嗌幾多碗先夠飽🤔 ・ 講返個味，船麵個湯係夠濃夠味既，個河粉更係用flat noodle，煙靭係有既，但啲肉好硬，咬到天荒地老😶 ・ 反而個海南雞飯好味，份量亦相對比較多，加埋個唔知點整但好煙靭既蝦餅，幾有泰國味😀 ・ 不過啲野飲就⋯⋯個泰式奶茶係水黎架喎，朋友果杯咸檸七係七喜囉，一點咸都沒有🤷🏼‍♀️