Lanna Tsang
離不開的 台灣美食1 #將軍澳美食 #台灣菜 一星期一次既「無飯」日 即係屋企唔煮飯 出街消費一下 今日去到將軍澳廣場食台灣菜 哩間叫 桂花小幸 間鋪分2 part, 如果想似茶 可以係隔離買 好似d 珍珠奶茶店咁 由於第一次食 好乖咁坐定定 叫人落單 奇怪係 d人拎住單入黎坐 最後發現 有QR code 可落單 或去櫃枱 呀～ 櫃枱落單 一定要知 自己坐咩枱號 我擺咗個烏龍 將61號台 變左16號台 收銀姐姐 呆左呆 話無16號😂 當然櫃枱貼左張floor plan 貓紙 終於成功叫左成枱餸 1）鹽酥雞排滷肉飯 （晚市）$76 強調一點晚市 係因為有套餐 免費附送 上湯浸時菜 + 原盅燉湯 邪惡滷肉飯非浪得虛名 一碗細細地既飯 加上滷肉 撈勻 成為飯小偷 但鹽酥雞排 需要改進一下 雞排炸得比較老 加埋娃娃菜 + 粟米湯 變成家常便飯 2）三盛牛肉養生清燉牛肉湯 $68 何謂三盛？ 即係牛腱 牛腩 牛丸 牛丸都幾彈牙 清燉牛肉湯 湯濃可以太常食 無咩驚喜 3）台灣烤香腸 $28 有夜市既味道, 點解咁講呢? 係因為我食返當年第一次同屋企人去台灣夜市既烤香腸 雖然佢係切片, 見到肥瘦分明, 油脂分佈適中, 咬落去 重KEEP到脆口 4）古早味滷水拼盤 $58 滷水小食 都係必點, 所有餸都滷的好入味, 食隻雞翼就知道 中間肉吸到滷水味，但唔會太咸 咬埋D雞骨 5）麻辣牛肚 $42 個人好中意食 爽口牛肚 而且辣椒唔會太重手 麻麻地 正呀~ 6) 飲品: 蜜桃烏龍蘆薈 $24 (跟餐減- 5元) + 蜂蜜檸檬蘆薈 $24 (跟餐減- 5元) 唔係講笑 蘆薈肉量好多 蜜桃味都好香 最緊要 見到成個烏龍茶包 貨真價實 蜂蜜檸檬比較簡單 沖得都唔錯 埋單：$310 - 桂花小幸 B+BC Cafe 地址: 將軍澳唐德街1號將軍澳廣場1樓133-135號舖 - #dinner #yummy #foodie #iphone #delicious #hkfood #hkfoodie #foodpics #foodporn #foodphoto #foodagram #hkfood #相機食先 #2019
