吉列牛忌廉烏冬專門店 (銅鑼灣)

Revisit Kobekyu in their Causeway Bay Branch for their Katsugyu set again. Photo shot @ 13 Jul 2019.

日式烏冬食得多，韓式甚少食。友人鐘情呢間咖喱忌廉烏冬，喜歡味道夠濃厚。 賣相特別，好似加大碼的cappuccino,面層是忌廉泡泡，下面就是咖喱汁烏冬。將忌廉混入咖喱汁內，隨即香氣撲鼻，十分誘人。每條烏冬都沾滿醬汁，濃稠而滑溜，味道十足，果然好味。 呢間餐廳另一款吉列牛定食都係人氣之選。 吉列牛肉只外層炸過，內裡還是生的，利用小小的火爐，將牛肉一片片的烤成自己喜歡的熟度，入口軟熟，可蘸少許醬汁或沙律醬調味。 套餐包括飯，湯和前菜。 我們各點了杯特飲，citrus ocean 和passion punch, 色調迷人，味道十分清新，夏日炎炎的最佳飲品。

【吉列牛忌廉烏冬專門店】 📍銅鑼灣耀華街3號百樂中心22樓 之前黎過一次食佢地既麵食，今次反而想試下牛定食，本身想叫最受歡迎的吉列牛，不過見到有個美式頂級牛里脊套餐都幾吸引，所以最後揀左呢個。 美式頂級牛里脊套餐 $178 呢個比吉列牛更豪華，廚師會先將整塊牛里脊燒至2-3成左右，然後自己再切件慢慢燒，自行控制生熟度。簡單燒20-30秒，牛里脊出名肉質柔嫩，脂肪比列較少，入口Juicy有咬口，頗有驚喜。 套餐配芝士大啡菇、洋蔥、咸蛋薯條，大啡菇非常厚肉唔縮水，菇味香濃又多汁，配埋軟滑的芝士拉絲超正；旁邊的洋蔥亦係另一賣點，炒到完全熟透，軟身又充滿洋蔥的香甜味。雖然咸蛋薯條唔係好食到咸蛋碎，但薯條勝在脆口重薯味，沾埋黑松露醬都幾好食。 咖喱忌廉牛肉烏冬 $78 上次叫左雞肉，今次就試牛肉~望落似Whipped Cream既忌廉烏冬賣相仍然好靚，咖喱味不算太辣，攪勻忌廉一齊食口感更Creamy，烏冬算是煙韌，配料還有牛肉、西蘭花、洋蔥粒，整體無咁單調。