千両 (尖沙咀, 港威商場)

今日到千両吃午餐，發現他已經轉咗新餐牌，每一款都好吸引。 中吞拿魚腩丼定食$158 真係估唔到150幾蚊有中拖羅，而拖羅的質素相當唔錯，相當肥美，肉質纖細柔滑，充滿油份，其實同大拖羅唔會差好遠，魚脂甘香，又有魚味，加上滑滑吞拿魚蓉和三文魚子，味道鮮味非常可口。 再吃一口清爽嘅沙律，呷一口麵豉湯十分滿足。

今日吃好－點。 極上海鰻壽司拼盤$275 這鳗魚壽司拼盤份量十足，鰻魚大大件，十分肥美軟滑，味道甜美；左口魚十分爽彈，帶子又厚又肥美，味道鮮甜；三文魚十分軟滑；海膽鮮甜，紫菜比較腍；三文魚籽幾鮮美又多汁，白身魚又爽又嫩；中拖羅十分肥美滑滑，又有魚味；大拖羅又肥又軟滑，而且又無筋，好吃。 炭燒即磨咖啡$32 這咖啡是日式咖啡 ，十分香滑，又有炭香，沒有酸味苦味，不錯。

今日發現他們的餐牌更新了，這一款烤魚午餐很吸引，不但有烤鰈魚、又有刺身，一於試一下。 特選刺身、鰈魚西京燒定食$138 沙律菜新鮮，冷冰冰，爽口清爽。 面豉湯沒有很突出，不咸也不淡，正常水平。 這鰈魚大大件，烤得甘香，魚肉又白又滑，充滿魚脂油份，嫩滑之中又有少少西京燒醬油的甜香。魚骨只係中間的一條，啖啖肉，正！ 刺身有三文魚、帶子。三文魚十分肥美，脂肪紋分佈平勻，口感柔軟油潤。帶子是厚切的，十分新鮮，都幾鮮美。 白飯十分軟熟，唔太濕，軟硬適中，不錯吧。