羅勇泰國粉麵

工作太忙了，好想放假去泰國~~~ 想食船粉，在尖沙咀厚福街見到間新開的羅勇泰國粉麵，去試下先 羅勇什錦湯麵 $55 有牛丸、魚片頭、魚蛋、豬肉丸、札肉、炸豬皮等。 湯底好濃郁，確實有點泰國地道風味，而金邊粉可以再腍點，魚蛋好彈牙、札肉夠香，炸豬肉幾特別。 豬手隻也是我在泰國必食，秘製滷水豬手飯 $55，再附送椰子雞湯。 滷水豬手都幾入味，豬皮幾滑，肉可以再腍點，點酸瓜醬好夾。而椰子雞湯好香椰子好好味。 炸蝦餅 $58 好香脆及彈牙，看到是拆蝦肉來打的蝦餅，真材實料。

看了網上介紹它有闊身河粉就來試一下，裝修很特別，跟招牌一樣是很吸睛的藍色，不過食物只算一般，正正常常，不特別好吃或難吃 #十月活動B

記得上次食的時候間鋪得2枱客 今次明顯地多左好多🙈 . 椰子雞湯 HKD15；不專業評級：5/10 未上枱就聞到好濃郁的椰子味🤤 乳白味既湯 薄薄的一層雞油 仲加左2粒杞子做點綴🙈 飲落好濃烈的椰子香味甜味同埋雞味 對得住個名👍🏻 店面雖然寫住不添加味精 但唔知點解好重味精味😥 而且偏咸 飲一啖已經feel到飲哂成碗會覺得好口渴 . 秘制滷水豬手湯河 HKD48；不專業評級：6.5/10 湯底味道好複雜🤣 滷水味中帶有甜味 飲飲下又覺得好似有陣微微藥材味？🤣 不過重點係一啲都唔油 唔會有好重的味精味😍 不過相對上次的湯底無咁甜 而且香味無咁濃郁 退步左😔 上面仲有少少炸蒜同埋一舊炸豬皮🤤 好香口👍🏻 豬手切成一片片 本身係凍既 需要利用湯的溫度浸熱佢🙊 唔可以急住食 豬皮好正🤤真係做到入口即溶 不過我無食到佢的泰式河粉 轉左金邊粉😆 金邊粉都入哂啲湯底的滷水味 就算齋食金邊粉都覺得好好食🤣 我喜歡的芽菜同通菜都得好少 有啲唔開心😭不過以HKD48咁既質素同份量真係唔錯💗 . 豬頸肉串燒 HKD15；不專業評級：3/10 真心唔好食😥 豬頸肉厚切呈粒粒狀 雖然口感好淋 唔韌 但真係好油 用HKD15食呢串野唔抵🙅🏻‍♀️ . 牛肉串燒 HKD15；不專業評級：4/10 應該係選用左牛柳 肉質嫩滑 好重黑椒味同甜味 醃的時候應該落左啲糖🙈 不過都係戈句 唔抵食😂 . 推薦度：🌕🌕🌕🌕🌕🌕（滿分十分）