丸十壽司日本食堂

辛苦賺來志在食，美食又可治療心情，一於午餐豐富啲啦⋯⋯ 朗豪坊有大大小小的餐廳幾十間，往往另人難以決定，好彩同事意見多多，今日去食日本料理啊！ 豊州直送鮮魚壽司配烏冬定食 所謂不時不食，來自豊州直送的鮮魚，手指大動了。 十款不同壽司，色澤有彩光，新鮮程度顯著。 非常鮮美。甘香的海膽，鮮甜的帶子，清淡的鯛魚，爆漿的魚籽...，一件接一件，停不了。 烏冬看似平平無奇，重點在於湯底，好甜美，烏冬質感爽彈，好味！ 燒章魚小丸子 好懷念啊！每次旅行去大阪一定要食的燒章魚小丸子。外層薄脆，內層軟綿。 非常滿足又飽足的一頓午飯，回公司再努力工作啊！

係超得意嘅蛋黃哥！ 知道呢間餐廳用蛋黃哥做主題，所以一早同定男朋友講，搵日放假一定要去食😍😍 . 我哋叫咗幾樣嘢食，雖然有啲貴，但每一樣食物都有蛋黃哥嘅圖案，實在太可愛，忍唔住叫晒🤣🤣🤣 . 特選三色紫菜包，紫菜上有XO圖案，好特別啊！三色拼盤有三文魚籽，吞拿魚茸同海膽，最鍾意海膽，好新鮮一啲腥味都冇，而且食落好鮮甜！吞拿魚茸軟綿綿，魚油味好香，三文魚籽粒粒晶瑩剔透，帶點鹹鮮，建議係將紫菜包上呢3隻餡，不過我就覺得三文魚籽就有啲難包🤣🤣 . 我哋叫咗兩款手卷，其中一款係xo大廚究極手卷，用了好豐富呀，手卷同樣有XO圖案，上面有可愛的蛋黃蛋玉子燒，仲有超多既三文魚籽，吞拿魚茸同海膽，非常鮮味，食到中間仲有大蝦刺身，真係幾有驚喜😆😆另外一款係xo大廚加州手卷，有蟹子、牛油果、蟹柳同玉子，望落去賣相都唔錯㗎！👍🏻👍🏻 . 我哋仲叫咗一個梳乎玉子燒便當，便當入面有兩件可愛的蛋黃哥玉子燒，味道甜甜地，仲有三件細細粒既波波壽司，係三文魚、吞拿魚同油甘魚，過吓口癮都唔錯，旁邊就係燒冬菇，都幾好味，免治雞肉串卷都唔錯，口感十足💕💕 . 最後呢一個係玉子豆腐蕎麥面，玉子豆腐上有蛋黃哥嘅樣，好得意！中間就係XO圖案的蒟蒻，口感彈牙，仲有啲三文魚子！蕎麥麵配埋冷麵汁食，味道雖然偏淡，但好開胃架～🤤

今日經過朗豪坊，發現這家壽司店有我最愛的梳乎旦作主題美食！平曰都會收藏梳乎旦的精品，今次要去朝聖一下。 一步入餐廳，發現牆壁有大大張xo同梳乎旦的特色海報，而吊燈也換上他們的大頭樣，很可愛！童心未泯的我決定點盡所有期間限定，一次過把它集郵。 先吃比較light 的梳乎玉子豆腐蕎麥麵沙律$98 這蕎麥麵口感幼滑，而且帶有淡淡麥香，沾上鰹魚湯汁，味道清爽輕盈。再加上大大粒三文魚籽，和滑滑的玉子豆腐，完全沒有半點油腻感，是十分夏日感覺的菜式，即使要keep fit,也沒有負擔。 梳乎玉子燒便當$158 這便當的造型很精緻！壽司造成小球狀，一口一顆。三文魚壽司十分肥美；赤身壽司口感柔滑，味道鮮美。而那雞肉串啖啖肉，燒得幾香又唔乾。玉子燒味道甜香，唯口感未夠綿滑，整體都幾ok. Xo 大廚究極手卷$138 這Xo 大廚究極手卷真是我的flavourite ! 紫菜印有Xo, 還有可愛的梳乎旦玉子睡在海膽上！這手卷份量唔少，每一口都爆鮮，充滿鮮甜的海膽和幼滑的鮪魚蓉！味道極為鮮美！海膽的甜香，加埋脹卜卜的三文魚籽和鮪魚蓉的鮮味，鮮味三重奏，再拌以酸爽的蘿白和壽司飯加添層次，太好吃了！ Xo 大廚加州手卷$88 加州手卷是兒時吃壽司的初體驗。這Xo 大廚加州手卷大大件。大口一吃，就是清新的牛油果、爽青瓜、脆口的蟹籽和甜美玉子，加埋沙律醬，就是大衆化、平易近人的親切味道。 吃過究極手卷，有些意猶未盡，一於點個特選三色紫菜包$198。這特選三色紫菜包有齊三大「天王」：海膽、鮪魚蓉、三文魚籽. 今次可以包紫菜大口大口的吃，爽呀！海膽味道鮮甜，充滿光澤；鮪魚蓉口感極之幼滑，滿有魚鮮風味；三文魚籽十分油亮，一放入口即爆汁，是咸鮮的味道。 今晚的晚餐味道不錯，而且用料新鮮，最高興的是今晚可以放下嚴肅正經的自己，吃童年久違的公仔便當，打下卡，就是簡單的喜悅。