南瀛水產

【南瀛水產】 📌尖沙咀金馬倫道5號太興廣場5樓  平時都幾中意去水產店， 大大話話已經試左3-4間， 呢間【南瀛水產】空間寬闊， 用左好多日本酒作擺設，幾有特色🥰 值得一提芒果乳酸真係好好飲🥺  《清酒煮蜆 $108》 清酒味濃烈，帶出蜆肉鮮味， 份量多而且無沙，不錯👍🏻  《蟹味噌甲羅燒 $156》 燒水產無理由唔叫甲羅燒😛 有蟹肉、蟹膏、蟹籽、鵪鶉蛋、蔥花， 混合重咸香的味噌，口感creamy又濃郁， 放上青瓜卷一齊食好正。  《活鮑魚 $156》 好生猛😆燒完好重碳香味，肉厚， 質感彈牙鮮嫩，確實不錯。  《東瀛五點盛 $368》 有吞拿魚腩、三文魚腩、油甘魚、牡丹蝦， 每件均厚切肥美，肉質鮮嫩。 最喜歡仍然係又香又鮮的Toro，牡丹蝦鮮甜黏口， 仲有款薄切魚刺身，質感偏向軟淋，帶清新口味。  《壽司盛 $328》 賣相不錯，款式多，應有盡有。 但價錢偏貴，較適合一齊Share，可以試多幾款。 —————————————————————— 美味指數：⭐️⭐️⭐️⭐️ 抵食程度：⭐️⭐️⭐️⭐️ 回頭率：⭐️⭐️⭐️⭐️

「繼而平靜到訪，這一人之境。」能夠做到 一人之境既精要，首先你對凡塵再無牽掛， 無慾則無求；你會開始發現所有野都可以用 平常心黎看待，一切是與非、喜與樂都唔再 重要。唔好FF咁多啦…到日日宅係屋企， 食好野既機會都無，咁高境界我真係做唔到。 好似呢間「南 瀛 水 產」咁高質素既日式 居酒屋，試問一人之境又點會體會到 果種喜悅同快感呢？👇 - 📌サ ラ ダ - ▪ 海 鮮 サ ラ ダ - $88 ▫ 先黎個「海 鮮 沙 律」有助消化之餘， 仲可以為之後既美食打返個底。用上大量 三文魚切粒配上柚子醋，入口酸酸甜甜， 好清新既一道開胃菜，唔錯。 - 📌漁 師 の 刺 し - ▪ ひ ら め 薄 作 り 刺 身 - $238 ▫ 再黎來自北海道既「平 目 薄 切 刺 身」， 師傅刀工細膩，表面睇落透光度高， 每一片厚薄均一。而食落魚肉味道清甜， 配上三文魚籽多左一份鹹香既層次， 相當好食！ - 📌烏 冬 - ▪ 牛 肉 う ビ ん 蕎 麦 - $78 ▫ 熱食黎講我幾鍾意呢個「牛 肉 蕎 麥」， 先講每一塊牛肉厚度十足，生熟程度 岩岩好，唔會話太韌亦唔會太乾身； 蕎麥麵亦唔錯，入口滑溜，配搭湯底既 加持，入口特別鮮甜，食得過。 - 📌炉 端 焼 き - ▪ カ ニ 味 噌 甲 羅 焼 き - $78 ▪ 大 え び 焼 き - $68 ▪ ホ タ テ 焼 き - $78 ▫ 每次黎到居酒屋我都必點既「蟹 味 噌 甲 羅 燒」，呢到亦無令我失望。 同樣Staff幫我地將蟹膏、蟹籽、鵪鶉蛋、 蔥花一路攪拌同埋全程細心咁來回幫我地燒， 呢個已經抵讚。食落蟹味濃郁，鹹鮮味豐富； 另外嗌多份「大 海 老 殼 燒」、「帆 立 貝 殼 燒」，大蝦燒過質感爽彈，亦唔會太老， Staff燒慣燒熟，無難度；而帆立貝相當新鮮， 係燒既過程Staff已經幫我地調味好， 唔需要額外點醬汁入口已經好好食， 保留原始鮮味無得頂！ - 📌酒 肴 一 覽 - ▪ ほ た ろ 烏 賊 沖 漬 け - $58 ▫ 令人精神一振既佐酒小食「酒 釀 蛍 烏 賊」，入口潤滑鮮嫩，每一啖都食到 果份鮮味，一啖魷魚一啖梅酒， 口感可以話係最夾既！ - 📌特 色 卷 - ▪ う に か に 身 卷 き - $228 ▫ 充滿日式風味既特色卷「雲 丹 蟹 肉 卷」， 用左海膽覆住係卷物上面，就咁睇已經 好吸晴，海膽食落濃郁鮮甜；而蟹肉 連埋珍珠飯一齊放入口，果種滿足感 真係食過你就知咩料！ - 📌天 ぷ ら - ▪ 天 婦 羅 盛 り 合 わ せ - $198 ▫ 炸物亦有驚喜，呢個「什 錦 天 婦 羅 盛 合」，包括大蝦、秋葵、魚、茄子、 冬菇。每一款都炸得相當薄脆，入口 脆卜卜之餘，唔會有好油膩既感覺； 配上自家製既天婦羅醬汁， 真係食到停唔到口呀！ - 📌梅 酒 · 燒 酎- ▪ 梅 酒 ソ ー ダ - $58 ▪ 梅 干 し 燒 酎 - $68 ▫ 飲品我地分別揀左「梅 酒 梳 打」、 「梅 乾 燒 酎」，前者梅酒梳打頭果啖 清清地，慢慢滲透住梅酒既香甜，好特別； 以Highball杯盛載既燒酎充滿住梅乾既香氣， 酸甜味適中，幾易入口，認真唔錯。 - 📎 南 瀛 水 產 📍尖沙咀金馬倫道5號太興廣場5樓

We better Get a move on which golden moment once you have! - 係一眾既水產市埸裡面,呢間絕對係數一數二, 今次去到尖咀鬧市裡面既樓上日式居酒屋, 主打磯燒同新鮮刺身由日本每日空運到港, 環境相當寬敞,大概佔地我估有3000呎左右, 張枱夠闊,坐得幾舒服!一班人黎都唔怕👇 - ▪ 蕃茄沙律 - $68 ▫ 先黎一個冷盤前菜先,大大個蕃茄相當清新,味道 酸酸甜甜特別開胃!為之後既野食開左度大門! 沙律醋同個蕃茄都好夾! ▪ 油甘魚壽司 - $68 ▪ 鮪魚赤身壽司 - $68 ▫ 壽司種類多到你睇都睇唔哂,最後簡左2款 本身經常食既試一試,口感都幾豐富, 食到鮮甜味,份量岩岩夠一啖過,食得過! ▪ 紫菜海膽天婦羅 - $98 ▫ 一小塊紫菜包住可以話係一大炸既海膽, 味道濃烈之餘,放落口果種口感爆發!同條脷可以 話係瞬間融化於一體!果種口感同滿足感真係 難以用筆墨形容得到!簡單黎講!三個字: 超好食!!! ▪ 燒明太子 - $88 ▫ 之後開始嗌左D燒物,呢個用青瓜黎做配角, 做法相當明智,明太子本身太多入口會有少少膩既感覺, 因為青瓜本身係有種清爽,解膩既功效,夾埋1齊食, 你會Feel到口裡面會中和左油膩感,而且更會帶出 明太子既香味! ▪ 吉列炸蠔 - $98 ▫ 師傅炸得都幾通透,食落口感外脆內嫩, 蠔亦唔會炸到好乾身,唔錯! ▪ 香蒜牛舌 - $88 ▫ 再黎係我最愛既燒牛舌!肉質極淋又多汁, 蒜香味唔重唔會cover左本身牛味! ▪ 牡蠣 - $156 (2隻) ▫ 呢隻蠔肉厚身又夠長,我覺得好岩用黎磯燒, 肉質肥美又Juicy,兩隻size都有半隻手掌咁大! Staff燒得岩岩好!必食之選! ▪ 蚧味噌甲羅燒 - $156 (2隻) ▫ 呢個我朋友極力推介,落單果陣第1個就落佢先, 就咁睇個名就唔知係咩黎既,原來係將松葉蟹蓋做面, 蓋內放鵪鶉蛋,蟹膏,蟹肉,蟹籽,蒽花等等,未燒已夠搶眼, 全程有Staff出手幫我燒,攪勻所有材料,加埋鵪鶉蛋, 蟹既鮮味會隨住蟹蓋1路燒而散發香味,但記住趁熱食呀, 蟹籽入口時會有卜卜聲!成堆蟹膏食苟仲啖啖鹹香tim! ▪ 小鯛 - $298 ▫ 撞正晚春初夏之際,鯛魚必然係最上盛的料理, 小鯛亦是壽司店中不可或缺的食材之一, 師傅將其薄切,肉質細緻鮮嫩,味道鮮甜仲入口即溶, 果種融化感覺真係一試難忘!難怪鯛魚令咁多人愛不釋手啦! ▪白桃燒酎 - $68 ▪梅酒梳打 - $58 ▫最後去到食刺身點可能少得美酒相伴呢,2者都係 好易入口,女仕們絕對岩飲,甜度適中,酒味亦唔會太濃! 用黎送刺身真係非常唔錯!