宇治金時餡蜜（抹茶）$98
之前已經黎過，但未食齊咁多款，今次就食呢款硬身雪糕球配豐富材料，有菠蘿、橙、紅桑莓、紅豆蓉、生茶啫哩（抹茶）、白玉....配埋威化夾餅。
生茶啫哩超滑超嫩彈，有淡淡抹茶香，白玉十分煙韌好咬，紅桑莓酸味正好中和甜品的甜度，再繼續食多點都無問題。重點雪糕味道濃郁，雖無軟雪糕咁滑，但味道更重更正。
抹茶+焙茶軟雪糕，附上抹茶生茶啫哩 $88
軟雪糕超滑溜，質感厚身不易溶，所以口感好好。抹茶味清香濃郁，焙茶帶獨特香味，茶味甘香。兩者都同樣美味，可以一次食到太幸福。用威化脆餅夾來食，更多種脆口感。
附上的生茶啫哩好嫩彈滑溜，入口快到喉嚨，認真食到茶甘生味，配甜而不膩紅豆蓉及煙韌白玉丸子，又是一道完美甜品。
