Strawberry Wong

鏞記

鏞記燒鵝遠近馳名,平日到訪吃燒味飯所費不菲。即使外賣嘅燒味雙拚飯索價也索價$110。適逢近日是他們75周年紀念,任何燒味雙拼飯特價$75,仲有例湯送!由12:00供應至2:00pm, 供應期有限,一於試試看。

既然燒鵝咁出名,當然要點燒鵝,再選拼叉燒,一於要叉燒燒鵝飯$75

例湯真是喜出望外,本以為是平平無奇的例湯,一嚐之下,滿有老火湯的味道,味鮮而且唔肥膩,感覺滋潤。

這個燒味飯十分環保,是以紙盒盛裝。燒味放一邊,而白飯則放另一邊。燒味的份量唔少。燒鵝是由全港唯一市區的大型炭爐燒製,所以燒鵝皮帶一點點的炭火香,而肉質嫩口,稍稍帶點嚼勁。最正是啖啖肉,骨唔多。燒鵝一口一件,而且皮下沒有多餘的脂肪,再沾上他們自家製的酸梅醬,酸酸甜甜的,雖不致難忘,但味道幾ok. 相對在餐廳堂吃的燒鵝,少了鵝汁的濕潤同香味。叉焼雖然無燶邊,但肥瘦得宜,滿有肉香和脂香。然而白飯的汁唔多,感覺健康。以連鎖快餐店的燒鵝飯也定價$85/$90, 而今日的雙拚燒味飯連例湯只是$75,在中環區可算抵吃!