協奏坊
平日出街食晚飯，要比較有質量的西曰菜，每位以$400起跳。發現這間位於大角咀的酒店供應自助晚餐，只要十五曰前訂枱，優惠價只是$288！即使無預早訂位，也只是$368/$398，或部分信用卡仲有八折優惠。是一個中價的午餐價錢，卻有酒店海鮮自助晚餐，一於同honey 試試看。
步入餐廳，一貫白色的室內環境，還有葉形天花燈作裝飾，感覺時尚又優雅。
是次自助餐除了豐富來自世界各地的海鮮外，還有各種亞洲特色美食涵蓋日本、韓國、泰國、新加坡及香港等，真是應有盡有。既有西式、也有中式和曰韓美食，認真合家歡。
估唔到一坐下，餐廳為每人送上一只冰鎮鮑魚！鮑魚口感爽彈又冰感。
只要like他們的facebook,更送上青檸特飲，味道酸酸甜甜的，十分冰涼消暑
嘩！好多海鮮呀！既有小龍蝦、麵包蟹、鱈場蟹腳，仲有青口！
好大隻麵包蟹呀！認真震撼！這麵包蟹充滿蟹膏，十分甘香肥美，完全可以滿足我這個蟹痴！這鱈場蟹腳是來自北海道，啖啖肉，蟹肉十分鮮美！光光吃這兩款已經回本了！
烤牛肉烤到medium rare, 肉質軟腍有口感，肉味濃十足，又juicy。
這兒設有喇沙station,即點即造。
喇沙有水準！既有咖喱風味，微微的辣，又充滿椰奶香，十分馬來亞風味，正！
砂鍋螺頭雲吞雞
這個雲吞雞的湯十分鮮美！既有雞的甜味也帶有金華火腿的甘香。湯味濃而不油，加上雞肉軟嫩，上海雲吞皮薄入味，十分不錯。
除了雲吞雞外，東坡肉也好吃！十分高水準、肉質軟腍，脂芳馥郁；燒味味道也不錯。
既然有壽司和炸品，為食的我又不得不試。壽司師傅不停的手握壽司，十分新鮮。吉列蝦炸得香脆唔油膩，味道鮮甜。
甜品琳琅滿目，既有各款布丁旦糕如人氣tiramisu 、mousse ，也有特色沙巴翁、鮮果同自製pancake。而木桶豆腐花更是不容錯過！這豆腐花看似平凡，但豆味十足，滑溜的，加埋Q彈珍珠，健康又美味！
估唔到$288的自助餐有咁多高質量的餐點選擇，尤其那鮮美的麵包蟹同鱈場蟹腳，已經值回票價。推介！
#2018聖誕
