元朗都有船麵食～呢間阿叔船麵獨沽一味只賣船麵同少少小食，揀咗一碗牛肉船麵($58)同一碗雞肉船麵($52)。每碗船麵都有炸豬皮，賣相正宗，而且可以自選麵底。而牛肉船麵有新鮮牛腩同牛丸，不過牛腩份量好少，牛丸亦細細粒唔夠彈牙，肉味一般，反而我欣賞個金邊粉幾有咬口，唔會太淋，麵質唔錯。湯底據聞用牛骨熬成，無味精。雞肉船麵有三隻雞槌同雞腎，反而我鍾意呢碗多D，感覺好似抵食D，哈哈～
我哋仲試咗3食雞翼拼盤($58)，三款雞翼包括：紅咖喱、香茅魚露同酸辣凍雞翼。香茅魚露雞翼好食，香茅味濃郁。酸辣凍雞翼其實都好開胃，不過我唔太食得辣，食到後期唔係好頂得順。
甜品拼盤($30)supposed有千層糕、大菜糕、椰汁西米糕同芒果西米糕，不過嗰日芒果西米糕賣晒就轉咗另一款（雖然我咩都鍾意食，不過如果上台前同客人先交代芒果西米糕賣晒會感覺好d）。甜品樣樣都ok嘅。
#traveltobkk
