星期日，雨🌧️
星期日想出銅鑼灣食brunch，行行吓突然諗起想食拉麵🍜，於是行去登龍街睇下🥱，比我發現左Tsuta ，係入選米芝連嘅餐廳。
黑醬叉燒拉麵🍜 （$136連10%）
我揀左有4塊叉燒嘅，餐牌有4個選擇，其中有一款係得1塊叉燒，所以落單時要清楚啊！
首先，我覺得我揀錯左要4塊叉燒。因為完全唔會expect 塊叉燒係大過我隻手掌🖐️，所以其實食完係相當飽🤭。
拉麵🍜入面有：黑椒肉碎、蔥、芽菜、蒜片、4塊叉燒、蛋(係製作時搞錯了，正常係要額外收費）、拉麵
黑醬油加清湯頭味道上非常特別，另外有鹽同黑椒比客人自行再調味，非常細心之舉👍🏻👍🏻👍🏻！其實我本身唔太中意食九州拉麵，但呢間嘅麵質好好，有彈牙嘅口感，而且每口都食到湯汁，味道非常可口！
